◀ All Reading Plans / Revised Common Lectionary (Semicontinuous) / Psalm 72 (Prayers for the king); Jeremiah 31:7-14 (Joy as God’s scattered flock gathers); John 1:[1-9] 10-18 (God with us) (Awadhi Bible: Easy-to-Read Version)

Prev Day

January 5, 2025

Next Day

Use the calendar to view readings from this devotional.

January 2025
Su	Mo	Tu	We	Th	Fr	Sa
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	31

Return to today's reading

Revised Common Lectionary (Semicontinuous)

Daily Bible readings that follow the church liturgical year, with sequential stories told across multiple weeks.

Duration: 1245 days

भजन संहिता 72

सुलैमान बरे।

¹हे परमेस्सर, राजा क मदद करा ताकि उ भी तोहरी तरह स विवेक स भरिके निआउ करइ।
    राजपुत्र क सहायता करा ताकि उ तोहार धार्मिक भावना क जानि सकइ।
²राजा क सहायता करा कि तोहरे मनवइयन क उ निस्पच्छ निआउ करइ।
    सहायता करा कि उ दीन जनन क संग उचित बेउहार करइ।
³पहाड़न क सबइ बरे सान्ति लिआवइ द्या।
    समूचइ भुइँया बरे सान्ति अउर निआउ लिआवइ द्या।
⁴राजा निर्धन लोगन बरे निआउ स भरा रहइ।
    उ बेसहार लोगन क मदद करइ।
    उ सबइ लोग सजा पावइँ जउन ओनका सतावत होइँ।
⁵मोर इ कामना अहइ कि जब तलक सूरज अकास मँ चमकत ह, अउर चन्द्रमा अकासे मँ अहइ।
    लोग राजा क डर मानइँ।
    मोर आसा अहइ कि लोग ओकर डर सदा मनिहीं।
⁶राजा क मदद, धरती प पड़इवाली बरसात बनावइ मँ करा।
    ओकर मदद करा कि खेतन मँ पड़इवाली बौछार बनइ।
⁷जब तलक उ राजा अहइ, भलाइ फूलइ-फरइ।
    जब तलक चन्द्रमा अहइ, सान्ति बनी रहइ।
⁸ओकर राज्ज समुद्दर स समुद्दर तलक
    अउ परात नदी स लइके सुदूर तलक फइलि जाइ।
⁹रेगिस्ताने क लोग ओकरे अगवा निहुरइँ।
    अउर ओकर सबइ दुस्मन ओकरे अगवा औधे मुँह भहरान भए धरती पइ निहुरइँ।
¹⁰तर्सीस क राजा अउ दूर देसन क राजा ओकरे बरे उपहार लिआवइँ।
    सेबा क राजा अउ सबा क राजा ओका उपहार देइँ।
¹¹सबइ राजा हमरे राजा क अगवा निहुरइँ।
    सबहिं रास्ट्र ओकर सेवा करत रहइँ।
¹²हमार राजा बेसहारन क सहायक अहइ।
    हमार राजा दीनन पइ अउर बेसहारा लोगन क सहारा देत ह।
¹³दीन, बेसहारा लोग ओकरे सहारे अहइँ।
    इ राजा ओनका जिअत रखत ह।
¹⁴इ राजा ओनक ओन लोगन स बचावत ह, जउन क्रूर अहइँ अउर जउन ओनका दुःख देइ चाहत हीं।
    राजा बरे ओन दीनन क जीवन बहोतइ महत्वपूर्ण अहइ।
¹⁵राजा लम्बी उमर क होइ!
    अउर सेबा स सोना प्राप्त करइ।
राजा बरे सदा पराथना करत रहा,
    अउर तू हर दिन ओका असीस द्या।
¹⁶खेत भरपूर फसल देइ। पहाड़ियन फसलन स ढकि जाइँ।
    इ सबइ खेत लबानोन क खेतन स उपजाऊ होइ जाइँ।
सहर लोगन क भीड़ स भरि जाइ,
    जइसेन खेत घनी घासे स भरि जात हीं।
¹⁷राजा क जस सदा बना रहइ।
    लोग ओकरे नाउँ क सुमिरन तब तलक करत रहइँ, जब तलक सूरज चमकत ह।
ओकरे कारण सारी प्रजा धन्य होइ जाइ
    अउ उ पचे सबहिं ओका असीसइँ।

¹⁸यहोवा परमेस्सर क गुण गावा, जउन एस्राएल क परमेस्सर अहइ।
उहइ परमेस्सर अइसे अचरज क कर्म कइ सकत ह।
¹⁹ओकरे महिमा स भरा नाउँ क बड़कई सदा करा।
ओकर महिमा सारी दुनिया मँ भरि जाइ।
आमीन अउ आमिन।

²⁰यिसै क पूत दाऊद क पराथनन समाप्त भइन।

यिर्मयाह 31:7-14

⁷यहोवा कहत ह,
“खुस ह्वा अउर याकूब बरे गावा।
    सर्वस्रेस्ठ रास्ट्र इस्राएल क बरे उद्घोस करा।
आपन स्तुतियाँ करा।
    इ उद्घोस करा, ‘यहोवा आपन लोगन क रच्छा किहस ह।
    उ इस्राएल रास्ट्र क जिअत बचे भए लोगन क रच्छा किहस ह।’
⁸मइँ उत्तर क प्रदेस स इस्राएल क लिआउब।
    मइँ पृथ्वी क बहोत दूर ठउरन स इस्राएल क लोगन क बटोरब।
ओन मनइयन मँ स कछू आँधर
    अउर लँगड़ा अहइँ।
कछू मेहररूअन गर्भवती अहइँ
    अउ बच्चन क जन्म देइहीं।
    असंख्य लोग वापस अइहीं।
⁹लउटत समइ उ सबइ लोग रोवत रहा होइहीं।
    किन्तु मइँ ओनकर अगुवाई करब अउर ओनका आराम देब।
मइँ ओन लोगन क पानी क नालन क संग लिआउब।
    मइँ ओनका बढ़िया रास्तन स लिआउब जेहसे उ पचे ठोकर खाइके न गिरइँ।
    मइँ ओनका इ तरह लिआउब
काहेकि मइँ इस्राएल क बाप हउँ
    अउर एप्रैम मोर पहिलौटी क बेटा अहइ।

¹⁰“रास्ट्रन, यहोवा क इ सँदेसा सुना।
    सागर क किनारे क दूर देसन क इ सँदेसा द्या कहा:
‘जउन इस्राएल क लोगन क बिखेरेस,
    उहइ ओनका एक संग वापस लिआइ
    अउर उ गड़रिया क तरह आपन झुंड (लोग) क देखरेख करी।’
¹¹यहोवा याकूब क वापस लिआइ
    यहोवा आपन लोगन क रच्छा ओन लोगन स करी जउन ओनसे जियादा बलवान अहइँ।
¹²इस्राएल क लोग सिय्योन क ऊँचाइयन अइहीं,
    अउर उ पचे आनन्द घोस करिहीं।
ओनकर मुँह यहोवा क जरिये दीन्ह गइ नीक चिजियन क कारण खुसी स झूमि उठी।
    यहोवा ओनका अन्न, नई दाखरस, तेल, नई भेड़िन अउ गइयन देइ।
उ पचे उ बगीचे क तरह होइहीं जेहमाँ प्रचुर जल होइ
    अउर इस्राएल क लोग भविस्स मँ तंग नाहीं कीन्ह जाइँ।
¹³तब इस्राएल क जुवतियन खुस होइहीं अउर नचिहीं।
    जुवा, बुढ़वा मनई भी उ नाच मँ भाग लेइहीं।
मइँ ओनके दुःख क सुख मँ बदल देब।
    मइँ इस्राएल क लोगन क आराम देब।
    मइँ ओनकर उदासी क खुसी मँ बदल देब।
¹⁴याजकन बरे जरूरत स जियादा बलि भेंट दीन्ह जाइ
    अउर मोर लोग एहसे भरे पूरे अउर संतुट्ठ होइहीं जउन अच्छी चिजियन मइँ ओनका देब।”
इ सँदेसा यहोवा क अहइ।

यूहन्ना 1:1-9

मसीह क आउब

1 जब दुनिया क सुरूआत भइ, तब ओह समइ बचन^[a] पहिलेन स रहा। उहइ बचन परमेस्सर क साथ रहा। उहइ बचन परमेस्सर रहा। ²उहइ बचन एकदम सुरूआत मँ परमेस्सर क साथ रहा। ³समूची दुनिया क सब चीज उहइ स पइदा भइ। ओकरे बिना कउनो चीज बनाईं नाहीं गइ। ⁴उहइ बचन मँ जिन्नगी रही अउर उहइ जिन्नगी पूरी दुनिया क सब मनई क बरे ज्योति (गियान, भलाई) क नाई रहा। ⁵ज्योति आँधियारे मँ चमकत ह अउर आँधियारा ओका जीत न पावा।

⁶परमेस्सर क पठवा एक मनई आवा जेकर नाउँ यूहन्ना रहा। ⁷उ एक साच्छी क नाईं आवा जइसे कि उ सब मनई क ज्योति क बारे मँ अपने बचन मँ बताइ सकइ। अउर जउन उ बतावइ ओहमाँ सब मनई बिसवास कर सकइँ। ⁸उ खुदइ ज्योति नाहीं रहा मुला उ सब मनई क ज्योति क साच्छी देइ आइ रहा। ⁹उ इ बतावइ आइ रहा कि इ ज्योति बिल्कुल सच्ची अहइ, अउर उ इ हर एक मनई क प्रकासित करी। उ इ बतावइ आइ रहा कि सच्चा ज्योति इ दुनिया मँ आवइवाला अहइ।

यूहन्ना 1:10-18

¹⁰उ तउ इहइ दुनिया मँ रहा अउर इ दुनिया क उहइ पइदा किहेस मुला दुनिया ओका पहिचान नाहीं पाएस। ¹¹उ अपने संसार मँ आवा रहा, मुला ओकर आपन मनई ओका नाहीं अपनाएन। ¹²मुला जउन मनई ओका अपनाइ लिहेन्ह, ओन सबका उ परमेस्सर संतान होइ क अधिकार दिहेस। ¹³परमेस्सर क औलाद क नाई उ कुदरती तौर प न तउ लहू स पइदा भवा, न तउ कउनो तने क इच्छा स, अउर न तउ महतारी-बाप क योजना स। मुला उ परमेस्सर स पइदा भवा।

¹⁴उहइ बचन देह अपनाइ क हमरे सबके बीच मँ रहइ लाग। हम सब परमपिता क एकइ पूत क नाई ओकरी महिमा क दर्सन कीन्ह। उ बचन अनुग्रह अउर सच्चाई स भरा रहा। ¹⁵यूहन्ना ओकर साच्छी दिहेस अउर सबका सुनाइ क जोर स कहेस, “इ उहइ अहइ जेकरे बारे मँ मइँ बताए रहेउँ, ‘उ जउन मोरे बाद आवइवाला अहइ, उ मोसे महान अहइ, मोसे आगे अहइ, एह बरे कि उ मोहूँ स पहले मौजूद रहा।’”

¹⁶ओकरी करूणा अउर सच्चाई क पूर्णता स हमका सबेन्क तमाम अनुग्रह पर अनुग्रह मिला। ¹⁷हमका सबेन्क जउन व्यवस्था मिली अहइ, उ तउ मूसा क दीन्ह अहइ, मुला जउन अनुग्रह अउर सच्चाई इ दुनिया मँ अहइ, उ ईसू मसीह क दीन्ह अहइ। ¹⁸परमेस्सर क कबहूँ कउनो आज तलक नाहीं देखे अहइ, मुला परमेस्सर क जउन एकइ पूत अहइ, अउर जउन हमेसा परमपिता क संग रहत ह, ओका हमरे सबके सामने परगट किहेस।

Awadhi Bible: Easy-to-Read Version (ERV-AWA)