Revised Common Lectionary (Semicontinuous)

⁴⁷ “माझा आत्मा प्रभूची स्तुति करतो;
    माझा आत्मा माझ्या तारणाऱ्या देवामध्ये आनंद करतो.
⁴⁸ कारण त्याने त्याच्या नम्र दासीची काळजी वाहिली होय,
    येथून पुढे सर्व लोक मला धन्य म्हणतील.
⁴⁹ कारण सर्वसमर्थाने माझ्यासाठी महान कृत्ये केली आहेत,
    त्याचे नाव पवित्र आहे.
⁵⁰ जे त्याचे भय धरतात,
    त्यांच्यावर तो पिढ्यानपिढ्या दया करतो.
⁵¹ त्याने आपल्या बाहूंनी आपले सामर्थ्य दाखविले;
    गर्विष्ठ लोकांना त्यांच्या बढाईखोर विचारांसह विखरुन टाकले आहे.
⁵² सत्ताधीशांना त्याने त्यांच्या सिंहासनावरुन खाली आणले आहे,
    आणि नम्र जनांना त्याने उंच केले आहे.
⁵³ त्याने भुकेलेल्यांना उत्तम पदार्थांनी समाधान दिले आहे.
    श्रीमंत लोकांना त्याने रिकामे पाठविले आहे.
⁵⁴ त्याचा सेवक जो इस्राएल याला
    मदत करण्यास तो आला आहे.
⁵⁵ त्याने आपल्या पूर्वजांना जे अभिवचन दिले होते त्याप्रमाणे
    अब्राहाम व त्याच्या वंशजांवर दया करण्याचे तो लक्षात ठेवतो.”

⁸ हे माणसा, चांगुलपणा म्हणजे काय हे परमेश्वराने तुला सांगितले.
    परमेश्वर तुमच्याकडून पुढील गोष्टींची अपेक्षा करतो.
दुसऱ्यांशी न्यायाने वागा. दया व निष्ठा ह्यावर प्रेम करा.
    तुमच्या परमेश्वरापुढे नम्र होऊन राहा.
    भेटी देऊन त्याच्यावर छाप पाडण्याचा प्रयत्न करु नता.

“तुला यज्ञ किंवा अर्पणे नको होती,
    पण तू माझ्यासाठी शरीर तयार केले.
⁶ होमार्पणांनी व पापार्पणांनी
    तुला आनंद वाटला नाही.
⁷ मग मी म्हणालो, ‘हा मी आहे!
    नियमशास्त्राच्या गुंडाळ्यामध्ये माझ्याबद्दल लिहून ठेवले आहे, देवा,
    तुझी इच्छा पूर्ण करण्यास मी आलो आहे.’” ^(A)