Revised Common Lectionary (Semicontinuous)

¹ हे यहोवा, मइँ खुद क तोहका समर्पित करत हउँ।
²     मोरे परमेस्सर, मोर सिरिफ तोह पइ बिस्सास बाटइ।
मोका अपमानित होइ क अनुमति जिन द्या;
    मोर दुस्मनन क मोह पइ हँसी उड़ावइ क अनुमति जिन द्या।
³ अइसा मनई, जउन तोहमाँ बिस्सास धरत ह, उ निरास नाहीं होइ।
    मुला बिस्सासघाती निरास होइहीं अउर,
    उ पचे कबहुँ भी कछू नाहीं प्राप्त करिहीं।

⁶ तू तउ परमेस्सर अहा।
    यहोवा, बस तू ही परमेस्सर अहा।
अकासे क तू बनाया ह।
    सब स ऊँच अकासन क रचना किहा तू,
अउर जउन कछू अहइ ओनमाँ सब तोहार बनावा अहइ!
    धरती क रचना किहा तू ही,
अउर जउन कछू धरती पइ अहइ।
    सागर क, अउर जउन कछू अहइ सागर मँ।
तू बनाया ह हर कउनो वस्तु क जिन्नगी तू देत ह!
    सितारे सारे अकास क, निहुरत हीं समन्वा तोहरे अउर उपासना करत हीं तोहार।
⁷ यहोवा तू ही परमेस्सर अहा।
    तू मोका कसदियन क ऊर जगह स बाहेर निकालेस ह।
तू ओकर नाउँ बदलेस ह
    अउर ओका नाउँ इब्राहीम दिहेस ह।
⁸ तू इ लखे रह्या कि उ सच्चा अउर निस्ठावान रहा तोहरे बरे।
    कइ लिहा उ साथ ओकरे वाचा एक ओका देइ क धरती कनान क बचन दिहा तू धरती,
जउन हुवा करत रही हित्तियन क अउर एमोरियन क।
    धरती, जउन हुवा करत रही परिज्जियन, यबूसियन अउर गिर्गासियन क।
मुला बचन दिहा तू उ धरती क देइ क इब्राहीम क संतानन क
    अउर आपन बचन उ पूरा किहा तू काहे? काहेकि तू उत्तिम अहा।
⁹ यहोवा लखत रहा तड़पत भए तू हमरे पुरखन क मिस्र मँ।
    गोहरावत मदद क लाल सागर क तट पइ तू ओनका सुने रह्या।
¹⁰ फिरौन क तू देखाए रह्या चमत्कार।
    तू हाकिमन क ओकरे अउर ओकरे लोगन क देखाए रह्या अद्भुत करम।
तोहका इ गियान रहा कि सोचा करत रहे मिस्री कि
    उ पचे उत्तिम अहइँ हमरे पुरखन स।
किन्तु साबित कइ दिहा तू कि तू केतना महान अहा।
    अउर अहइ ओकर याद बनी भइ ओनका आजु तलक भी।
¹¹ सामने ओकरे लाल सागर क बाटँ दिहा तू,
    अउर उ पचे पार होइ ग रहेन झुरान धरती पइ चलत भए।
मिस्र क फउजी पाछा करत रहेन ओनका।
    मुला बोर दिहा तू ही रह्या दुस्मन क सागर मँ।
    अउर उ पचे बूड़ गएन सागर मँ जइसे बूड़ जात ह पानी मँ पाथर।
¹² मीनार जइसे बादर स दिन मँ ओनका राह तू देखाँया
    अउर आगी क खंभे क प्रयोग कइके राति मँ ओनका तू देखाँया रहा।
मार्ग क तू ओनके इ तरह कइ दिहा ज्योतिर्मय
    अउर देखाइ दिहा ओनका कि कहाँ ओनका जाब अहइ।
¹³ फुन तू उतर्या सीनै पहाड़ पइ
    अउर अकासे स तू रह्या ओनका सम्बोधित किहा।
उत्तिम विधान दइ दिहा तू ओनका सच्ची सिच्छा क रहा तू दिहा ओनका।
    व्यवस्था क विधान ओनका तू दिहा
    अउर तू दिहा आदेस ओनका बहोत उत्तिम।
¹⁴ तू बताया ओनका सबित यानी अपने विस्राम क बिसेस दिन क विसय मँ।
    तू अपने सेवक मूसा क जरिये ओनका आदेस दिहा।
    व्यवस्था क विधान दिहा अउर दिहा सिच्छन।
¹⁵ जब ओनका भूख लगी,
    बरसाइ दिहे भोजन रह्या, तू अकासे स।
जब ओनका पियास लाग,
    चटान स परगट किहे तू रह्या जल क
अउर कहे तू रह्या ओनसे
    ‘आवा, लइ ल्या इ प्रदेस क।’
तू बचन दिहा ओन क
    उठाइके हाथ इ प्रदेस क ओनका।