Revised Common Lectionary (Semicontinuous)

Dee 132 Psalm

En leet fonn nehejcht gone.

¹ O Herr Gott, jeff Oobacht opp Doft met aul sien Älend;

² woo hee schwua to däm Herr Gott; hee muak en Fespräakje to Joakopp sien Majchtja;

³ Wan ekj enn daut Zelt fonn mien Hus go, wan ekj mie dol laj opp mien Bad;

⁴ wan ekj Schlop jäw to miene Uagelette;

⁵ fer däm daut ekj ne Städ ut seakj fa däm Herr Gott, ne Wonstäd fa Joakopp sien Majchtja –

⁶ See, wie ha doa fonn jeheat bie Efrata, wie funje daut enn dee Flekje emm Woolt;

⁷ wie woare enn sien Zelthus enenn gone, wie woare bie siene Footbenkj aunbäde.

⁸ Sto opp, O Herr Gott, enn diene Ru enenn; Du, un dee Arjche fonn diene Macht;

⁹ lot diene Prieste met Jerjajchtijchkjewit jekjleet senne; un lot diene Heilje juble fa Freid.

¹⁰ Drei dien Jesejcht nijch wajch fonn dien Ennjesaulwda omm dien Deena Doft sien haulwe.

¹¹ Dee Herr Gott haft jeschwuare to Doft enn Woarheit; Ekj woa fonn daut Frucht fonn dien Lief opp dän Troon sate fa die.

¹² Wan diene Säns mien Bunt hoole woare, un miene Zeijchnisse dee ekj an leare woa, dan woare diene Säns uk opp dien Troon sette fa emma.

¹³ Dee Herr Gott haft Zion jewält; Hee haft daut felangt siene Wonstäd to senne.

¹⁴ Dit es miene Rustäd bott fa emma; Ekj woa doa wone, dan daut es mien Felange.

¹⁵ Ekj woa sejchalijch äa Äte säajne; ekj woa äare Oame tofräd stale met Äte.

¹⁶ Un Ekj woa äare Priesta kjleede met dee Radunk, un äare Heilje woare sejchalijch juble.

¹⁷ Ekj woa Doft sien Huarn wause moake; Ekj ha ne Laump reed jemoakt fa mien Ennjesaulwda.

¹⁸ Ekj woa siene Fiend bekjleede met Schaund, oba sien Kroon saul opp am schiene.

²⁰ Oba nu es Christus fom Doot oppjestone, en es daut easchte Frucht fonn daen dee enjeschlope sent.

²¹ Dan seit derch een Maun de Doot kjeem, jrod so es derch een Maun daut Oppstone fom Doot uk jekome.

²² Dan soo aus enn Adam aule stoawe, so uk enn Christus woare aule laewendich jemoakt woare.

²³ Oba en jieda no siene eajne Ordninj; Christus daut easchte Frucht, en no daem dee, dee am aunjeheare wan hee kjemt.

²⁴ Dan kjemt daut Enj, wan hee Gott daem Foda daut Kjeenichrikj aufleewat, wan hee aule Harschoffte, Rejiera, en Jewaultje fetilcht haft.

²⁵ Dan hee mott rejiere bott hee aul siene Fiend unja siene Feet jelajcht haft.

²⁶ De latste Fient dee fetilcht woat es de Doot; dan hee haft aules unja siene Feet enunjajedone.

²⁷ Oba wan hee sajcht daut aules es unjajedone, esset kloa daut dee, dee am aules unjudoan jemoakt haft, doamet nich jemeent es.

²⁸ Oba wan am eascht aules unjadon es, dan woat de Saen selfst daem unjadon senne dee am aules unjadon muak, daut Gott aules enn aulem woat senne.