Revised Common Lectionary (Semicontinuous)

Dee 34 Psalm

En Psalm fonn Doft aus sien Benäme enndad fer Abimilech, un dee am wajch schekjt, en hee jinkj.

¹ Ekj woa däm Herr Gott säajne to aule Tiede. Sien Preis saul emma enn mien Mul senne.

² Miene Seel woat sikj puche enn däm Herr Gott; dee Deemietje sele daut heare un sikj freihe.

³ O feharlijcht däm Herr Gott met mie, un wel wie toop sien Nome opphäwe.

⁴ Ekj socht däm Herr Gott, un hee deed mie auntwuate, un rad mie fonn aul miene Forjcht.

⁵ See kjikjte no am, un weare jefelt met Lijcht; un äare Jesejchte bruckte sikj nijch schäme.

⁶ Dis Oama Mensch roopt, un dee Herr Gott head, un rad am ut aul siene Trubbels.

⁷ Daem Herr Gott sien Enjel loagat runnt omm dän dee am ferjchte, un Hee deit an rade.

⁸ Schmack un see daut dee Herr Gott goot es; jesäajent es dee Maun dee enn am fetruet.

¹⁹ Dee Jerajchte erfoare fäl Beeset, oba dee Herr Gott deit an rade ut daut aules,

²⁰ un bewoat aul sien Knoakes, nijch eent es jebroake.

²¹ Daut Beeset woat dee Gottlose fenijchte, un soone dee dee Jerajchte hause woare schuldijch senne.

²² Dee Herr Gott deit siene Deena äare Seel rade; un kjeene fonn dee dee enn am fetruehe woare schuldijch senne.

²³ En uk aun eene Haunt weare doa fael dee Priesta worde, wiel see kunne nich doabie fa emma bliewe wiel see storwe;

²⁴ oba aune aundre Haunt, wiel hee emma blift, haft hee en Priestaaumt daut nich endat.

²⁵ Doaromm kaun hee daen gaunsentgoa rade dee derch am no Gott kome, sentamol hee enn Eewichkjet laeft fa an to baede.

²⁶ Dan soon Huagapriesta jeziemt sikj krakjt fa oons, dee heilich, onnschuldich, gauns rein, fonn Sinda aufjesonndat, en hecha aus dee Himel steit;

²⁷ dee nich jieda Dach, so aus jana Huagapriesta, eascht musst fa siene eajne Sind, en dan fa daut Follkj aeare, opfre: dan dit deed hee een fa aulamol, aus hee sikj selfst oppfad.

²⁸ Dan daut Jesats moakt Mana Huagaptriesta dee Schwak sent, oba daut Wuat met schweare, daut no daut Jesats kjeem, moakt daem, dee fa aule Eewichkjeit follkome es.

⁴⁶ Donn kjeeme see no Jieriko. En aus he fonn Jieriko rut jinkj met siene Jinja en fael Follkj, saut daem Timaeaus sien Saen Bartimaeaus, en Blinje Pracha, besied daem Wajch.

⁴⁷ Aus hee head dautet Jesus dee Natsareena wea, funk hee aun to schriehe en saje: "Jesus, Doft sien Saen, erboarm die aewa mie!"

⁴⁸ En fael beschwichte am daut hee stel senne sull. Oba hee schreach bloos soo fael lude: "Jesus, Doft sien Saen, erboarm die aewa mie."

⁴⁹ Jesus stunnt stel en saed: "Roopt am!". En see roopte daen blinja Maun en saede to am: "Sie mootich! sto opp, hee roopt die!"

⁵⁰ Hee schmeet sien Auntsuch auntsied, huppst opp en kjeem no Jesus.

⁵¹ Jesus auntwuad am en saed: "Waut west du ha daut ekj fa die doone saul?" En dee Blinja saed to am: "Meista; daut ekj wada seene kaun."

⁵² En Jesus saed to am: "Go, dien Gloowe haft die jeheelt!" En platslich kunn hee wada seene, en foljd am no em Wajch.