Revised Common Lectionary (Semicontinuous)

⁴ “મેં ધમંડીઓને અભિમાન નહિ કરવાં ચેતવણી આપી છે
    અને દુષ્ટોને મેં કહ્યું છે કે, ‘ઘમંડ કરીને ડંફાસ ન મારો.’
⁵ શિંગ ઉંચું કરીને અભિમાન સાથે ન બોલો
    ઘમંડ કરીને ડંફાસ ન મારો.”

⁶ તેથી જે લોકોને મહત્વના બનાવે તે નથી પૂર્વમાંથી કે નથી પશ્ચિમમાંથી આવતો.
    તે રણ પર્વતોમાંથી પણ નથી આવતો.
⁷ પણ દેવ છે, તે જ ન્યાયાધીશ છે;
    તે એકને નીચે પાડી નાખે છે,
    અને બીજાને ઊંચો કરે છે.
⁸ યહોવાના હાથમાં કડક ક્રોધના દ્રાક્ષારસનો પ્યાલો છે;
    ને ન્યાય ચુકાદો છે જે પૃથ્વી પરના
દુષ્ટો પર રેડી દેવાય છે.
    અને દુષ્ટોએ તેને છેલ્લાં ટીપાં સુધી પીવો પડશે.
⁹ પરંતુ હું તો સદાકાળ બીજાઓને આ બાબતો માટે કહીશ.
    અને હું યાકૂબના દેવની સ્તુતિઓ ગાઇશ.
¹⁰ યહોવા કહે છે કે, “હું દુષ્ટ લોકોનાં સાર્મથ્યને નષ્ટ કરીશ,
    પરંતુ હું ન્યાયીઓનાં શિંગ ઊંચા કરીશ.”

¹² “હવે મારે, તેના પગ, મજબૂત સ્નાયુઓના સાર્મથ્ય
    તથા તેના શરીરના આકર્ષક આકાર વિષે બોલવું જ જોઇએ.
¹³ તેની ચામડીને કોઇ ભોંકી શકે તેમ નથી.
    તેની ચામડી એક બખ્તર જેવી છે.
¹⁴ તેનું મોઢું કોણ ઉધાડી શકે?
    કારણકે તેના દાંત લોકોને બીવડાવે છે.
¹⁵ મહાકાય સમુદ્ર પ્રાણીની પીઠ પર
    ઢાલ સંપૂર્ણપણે બંધ છે.
¹⁶ તે ઢાલો એક બીજાની એટલી નજીક છે
    કે તેમની વચ્ચે હવા પણ જઇ શકતી નથી.
¹⁷ તેઓ એકબીજા સાથે એવાં સજ્જડ ચોટેઁલાં હોય છે
    કે તેમને કશાથી ઉખેડી શકાય નહિ.
¹⁸ તે છીંકે છે ત્યારે તે વીજળી નાં ચમકારા બહાર નીકળતા હોય એવું લાગે છે.
    તેની આંખો સવારના સૂરજની જેમ ચમકે છે.
¹⁹ તેના મુખમાંથી અગ્નિની જવાળાઓ નીકળે છે
    અને અગ્નિની ચિનગારીઓ વછૂટે છે.
²⁰ ઊકળતા ઘડા નીચેના બળતાં ખડની જેમ
    મહાકાય સમુદ્ર પ્રાણીના નાકમાંથી ધુમાડા નીકળે છે.
²¹ મહાકાય સમુદ્ર પ્રાણીના ઉચ્છવાસથી કોલસા પણ સળગી ઊઠે છે.
    તેના મુખમાંથી ભડકા નીકળે છે.
²² તેની ગરદનમાં બળ છે, લોકો ગભરાઇ
    અને તેનાથી દૂર ભાગી જાય છે.
²³ તેની ચામડી પર કોઇ હળવા ચિહન નથી.
    તે લોઢા જેવું કઠણ છે.
²⁴ તેનું હૃદય ખડક જેવું મજબૂત અને ઘંટીના પથ્થર જેવું સખત છે.
    તેને કોઇ ડર નથી.
²⁵ તે મહાકાય સમુદ્ર પ્રાણી જ્યારે ઊભું થાય છે ત્યારે સૌથી બળવાન પણ તેનાથી ડરી જાય છે.
    તે જ્યારે તેની પૂંછડી હલાવે છે ત્યારે તેઓ ભાગી જાય છે.
²⁶ મહાકાય સમુદ્ર પ્રાણીને તરવાર, ભાલો અને અણીદાર શસ્ત્ર મારવામાં આવે તો તે ફેંકાઇને પાછા આવે.
    તે શસ્ત્રો તેને જરાપણ ઈજા પહોંચાડી શકે તેમ નથી.
²⁷ તેની આગળ લોખંડ ઘાસ જેવું
    અને કાંસુ સડી ગયેલા લાકડા જેવું છે.
²⁸ તે તેના પર બાણના મારથી પણ ગભરાતો નથી.
    પથ્થરની શિલા પણ તેને વાગીને ખરસલા ની જેમ પાછી ફરે છે.
²⁹ જ્યારે લાકડાની ડાંગો મહાકાય સમુદ્ર પ્રાણીને વાગે છે ત્યારે તેને તો તે સળીનો ટૂકડો હોય તેમ લાગે છે,
    અને તેની ઉપર ફેંકેલા ભાલાને તે હસી કાઢે છે.
³⁰ તેના પેટની ચામડી પરનાં ભીંગડાઁ ઠીકરાં જેવાં કઠણ અને ધારદાર હોય છે.
    તેના ચાલવાથી કાદવમાં ચાસ જેવાં નિશાન પડે છે.
³¹ મહાકાય સમુદ્ર પ્રાણીને ઊકળતા પાણીના ઘડાની જેમ હલાવે છે.
    ઊકળતા તેલની જેમ તે પરપોટો ઊડાવે છે.
³² જ્યારે મહાકાય સમુદ્ર પ્રાણી તરે છે ત્યારે તે તેની પાછળ માર્ગ કરી મૂકે છે, તે પાણીને હલાવી નાખે છે.
    અને પાછળ સફેદ ફીણ મૂકી દે છે.
³³ પૃથ્વી પર બીજું કોઇપણ પ્રાણી
    તેનાં જેવું નિર્ભય સૃજાયેલુ નથી.
³⁴ તે સૌથી ગવિર્ષ્ઠ પ્રાણીની પણ ઉપેક્ષા કરે છે.
    તે સર્વ ગવિર્ષ્ઠ પ્રાણીઓનો રાજા છે.
    અને મેં યહોવાએ તેનું સર્જન કર્યુ છે.”