Revised Common Lectionary (Semicontinuous)

Dee 22 Psalm

To dän haupt Musikaunt; opp dän Ree fonn Sonnopgank, en Psalm fonn Doft.

¹ Mien Gott, mien Gott, wuaromm hast du mie felote, un best soo wiet auf fonn miene Aufleewrunk, un dee Wead fonn mien Staene?

² O mien Gott, ekj schrie wäarent dän Dach, oba du deist nijch auntwuate, un enne Nacht, oba aules es fa mie Stel.

³ Oba du best Heilijch, dee opp Iesrael äa Preis jetroont es.

⁴ Onnse Fodasch deede enn die fetruehe, dee fetruede, un du deetst an rade.

⁵ See roopte die aun, un worde jerat, see fetruede enn die un bruckte sikj nijch schäme.

⁶ Oba ekj sie en Worm, un nijch en Maun, en Aufschue fonn Menscheit, un fonn daut Folkj fe-acht.

⁷ Aule dee mie seene, lache äwa mie enn Spott; dee moake äare Leppe op un scheddre äa Kopp.

⁸ Hee feleet sikj opp däm Herr Gott, lot däm am nu aufleewre; lot däm am rade, sentamol hee en Jefaule haud enn am.

⁹ Dan du best dee, dee mie fonn daut Muttalief rut neemst, un leetst mie opp miene Mutta eare Brosste fetruehe.

¹⁰ Mie wort opp die jeschmäte fonn daut Muttalief; du best mien Gottt fonn miene Mutta äa Buk.

¹¹ Sie nijch wiet auf fonn mie, dan Trubbel es dijcht bie wiels doa kjeene es tom habe.

¹² Fäl Bolles ha mie ommrinjt, stoakje Bolles fonn Baschan sent runnt omm mie.

¹³ Dee muake äa Mul op jäajen mie soo aus en rietende un brelende Leiw.

¹⁴ Ekj sie utjegote soo aus Wota, un aul miene Knoakes sent utaneen jespreet, mien Hoat es soo aus Waus, daut es jeschmolte enne med fonn miene Dorm.

¹⁵ Miene Krauft es oppjedreajcht soo aus en Biet fonn en Leemtopp, un miene Tunj es faust aun mien Unjamul;

¹² Dan Gott sien Wuat es en laewendjet en kjraftjet Wuat, shoapa aus en tweeschniedjet Schweat, en schnit derch bott Seel en Jeist utaneen, en Jliet en Moakjt, en kaun Jedanke en Hoat Faeanaeme rechte;

¹³ en doa es kjeene Kjreatua daut am nich oppenboa es: oba aules es Noakt en opjedakjt fer siene Uage - fer daem met waem wie to doone habe.

¹⁴ Wiel wie nu en groota Huagapriesta ha dee derch dee Himels jegone es, Jesus, Gott sien Saen, wel wie dan onns Bekjantnes faust hoole.

¹⁵ Dan wie ha nich en Huagapriesta dee nich metliede kaun met onnse Schwakjheite, sentamol hee enn aulem krakjt soo es fesocht worde aus wie sent, bloos oone Sind.

¹⁶ Doaromm wel wie dan emm folle Fetruehe nom Jnodestool kome, daut wie Erboarmunk kjriehe kjenne, en Jnod finje to dee Tiet wan onns daut faelt.

¹⁷ Aus hee fonn doa wieda jinkj delengd daen Wajch, kjeem eene no am jerant, kjneed sikj fer am dol, en fruach: "Gooda Leara, waut mott ekj doone daut ekj daut eewjet Laewe oawe kaun?"

¹⁸ Jesus saaed to am: "Wuaromm nanst du mie goot? Kjeena es goot buta Gott.

¹⁹ Du weetst dee Jeboote: Du saust nich dootmoake, du saust nich de Eehe braeakje, du saust nich staele, du saust nich faulschet Zeichnes jaewe, du saust nich aundre beschumle, du saust Foda en Mutta eare."

²⁰ En hee saed to am: "Leara, duat ha ekj aules jehoole fonn junk opp."

²¹ Jesus kjikjt am aun, haud am leef en saed to am: "Die faelt een Dinkj. Go, fekjeep waut du eajenst, en jeef dee Oama daut, dan woascht du Schats ha em Himel, en komm, folj mie no."

²² Oba hee wea felaeaje aewa dee Raed, en jinkj truarich wajch, dan hee haud fael Habgoot.

²³ En Jesus kjikjt sikj romm en saed to siene Jinja: "Woo schwoa woat daut senne fa soone dee rikj sent, enn daut Gottesrikj enenn to kome."

²⁴ En siene Jinja weare erstaunt aewa siene Wead. En Jesus auntwuad en saed wada: "Kjinja, woo schwoa esset enn daut Gottesrikj enenn to kome.

²⁵ Daut es leichta fa en Kameel derch en Noteluag to gone, dan fa en rikja Maun enn daut Gottesrikj enenn to kome."

²⁶ Donn weare see buta mote erstaunt, en saede eena tom aundra: "Waea kaun dan Seelich woare?"

²⁷ Jesus kjikjt an aun en saed: "Bie Mensche es daut ommaeajlich, oba nich bie Gott, dan bie Gott es aules maeajlich.

²⁸ Peeta saed to am: "Kjikj, wie ha aules felote en sent die nojefolcht."

²⁹ Jesus saed: "Enn Woarheit saj ekj junt, doa es nich eena dee Hus oda Breeda oda Sestre oda Mutta oda Foda oda Kjinje oda Flekje Launt felote haft omm mienet en daut Evanjeelium haulwe,

³⁰ dee nich enn dise Tiet hunndat mol Hiesa en Breeda en Sestre en Kjinje en Flekje Launt kjriehe woat, met Fefolljunk, en enn dee komende Tiet, daut eewjet Laewe.

³¹ En fael dee nu daut easchte sent, woare daut latste sene, en dee latste, daut easchte."