Revised Common Lectionary (Semicontinuous)

⁴ હે યહોવા, જેઓ સારાઁ છે;
    અને જેઓના હૃદય યથાર્થ અને પવિત્ર છે તેમની ભલાઇ કરો.
⁵ દેવ, કુટીલ લોકોને જેઓ અન્ય દુષ્કર્મો કરવા વાળા
    લોકોની સાથે કુટીલ કર્મો કરે છે તેમને દૂર લઇ જાય છે.

ઇસ્રાએલમાં શાંતિ પ્રસરે!

⁴ “હે માણસો, હું તમને પોકાર કરીને કહું છું;
    હું પ્રત્યેક માણસને સાદ પાડું છું.
⁵ હે અજ્ઞાની લોકો, શાણપણ શીખો,
    અને હે મૂર્ખાઓ તમે સમજણ હોવાનું શીખો.
⁶ સાંભળો, હું તમને ઉત્તમ વાતો કહેવાનો છું.
    અને જે સાચું છે તે જ હું તમને શીખવીશ.
⁷ હું સાચું જ બોલીશ,
    જૂઠાને હું ધિક્કારું છું.
⁸ મારા મુખના સઘળા શબ્દો પ્રામાણિક છે,
    હું તમને જૂઠ્ઠું કે ગેર માર્ગે દોરનારું નહિ બોલું.
⁹ સમજુ માણસો માટે મારા શબ્દો સ્પષ્ટ છે.
    અને જ્ઞાનીઓને માટે તે યથાયોગ્ય છે.
¹⁰ રૂપાને બદલે મારી સલાહ લો
    અને ઉત્તમ સોનાને બદલે જ્ઞાન પ્રાપ્ત કરો.
¹¹ કારણ કે જ્ઞાન રત્નો કરતા વધારે મૂલ્યાવાન છે.
    એની તોલે મોંઘામાં મોંઘી વસ્તુ પણ ન આવે.

²² “યહોવાએ સૃષ્ટિક્રમનાં આરંભમાં,
    લાંબા સમય અગાઉ મારું સર્જન કર્યુ.
²³ લાંબા સમય અગાઉ, પૃથ્વીનું સર્જન થયા પહેલાઁ
    મારું સ્થાપન કરવામાં આવ્યું હતું.
²⁴ જ્યારે કોઇ સાગરો નહોતા, જ્યારે પાણીથી ભરેલા ઝરણાઓ નહોતા
    ત્યારે મારો જન્મ થયો હતો.
²⁵ પર્વતોના પાયા નંખાયા તે પહેલાં,
    ડુંગરો થયા તેના પણ પહેલાં મારો જન્મ થયો હતો.
²⁶ હજી યહોવાએ પૃથ્વી સર્જી નહોતી કે ખેતરો પણ સર્જ્યા નહોતાં.
    અરે! ધૂળની કણી પણ સર્જી નહોતી ત્યારે મારું અસ્તિત્વ હતું.
²⁷ જ્યારે તેણે આકાશને એને સ્થાને સ્થાપ્યું,
    અને સાગર ઉપર ક્ષિતિજને ગોઠવી હતી ત્યારે મારું અસ્તિત્વ હતું.
²⁸ જ્યારે તેણે અંતરિક્ષને સ્થિર કર્યુ;
    અને ઝરણાંને સમુદ્ર નીચે વહાવ્યાં.
²⁹ જ્યારે તેણે સાગરની હદ નક્કી કરી
    અને તેનું ઉલ્લંધન કરવાની તેણે મના ફરમાવી.
અને જ્યારે તેણે પૃથ્વીના પાયા નાખ્યા.
³⁰ ત્યારે કુશળ કારીગર તરીકે હું તેની સાથે હતી;
    અને હું દિનપ્રતિદિન તેને આનંદ આપતી હતી;
    અને આખો વખત હું તેની સામે નૃત્ય કરતી હતી.
³¹ તેની વસતિવાળી પૃથ્વી પર મને મજા આવતી હતી.
    અને માણસોની સંગતમાં મને આનંદ આવતો હતો.