Revised Common Lectionary (Semicontinuous)

¹ મારૂં હૃદય સુંદર શબ્દોથી ભરાઇ ગયું છે.
    મેં રાજા માટે કવિતા રચી છે તે.
હું બોલ છું.
    મારી જીભ શ્રેષ્ઠ લેખકની જેમ ઘણા શબ્દોથી ભરાઇ ગઇ છે.

⁶ હે દેવ, તમારૂં રાજ્યાસન સનાતન છે;
    અને તમારો રાજદંડ એ તમારૂં ન્યાયી શાસન છે.
⁷ તમને ન્યાયીપણા પર પ્રીતિ છે, અને દુષ્ટતા પ્રતિ તિરસ્કાર છે;
    માટે સર્વસમર્થ દેવ, હા, તારા દેવે;
    તમને સર્વ કરતાં શ્રેષ્ઠ ગણીને આનંદના તેલથી અભિષિકત કર્યા છે.
⁸ હાથીદાંતના મહેલોમાં મારાં વસ્રો બોળ, અગરને તજની સુગંધથી કેવા મહેકે છે,
    ને તારનાં વાદ્યો તને આનંદ આપે છે.
⁹ તમારી માનીતી સ્રીઓમાં ઘણી રાજકુમારીકાઓ છે.
    શુદ્ધ સોનામાંથી બનાવેલો મુગટ પહેરેલી રાણી તમારી જમણે ઊભી છે.

² તારા ચુંબનોથી તું મને નવડાવી દે;
    કારણ તારો પ્રેમ દ્રાક્ષારસથી ઉત્તમ છે.
³ તારા અત્તરની ખુશ્બો કેવી સરસ છે!
    તારું નામ અત્તર જેવું મહાન છે!
    તેથીજ બધી કુમારિકાઓ તને પ્રેમ કરે છે!
⁴ હે મારા પ્રેમી, મને લઇ જા તારી સાથે; ચાલ,
    ચાલને આપણે ભાગી જઇએ,

ઓહ! અહીં આપણે કેવો આનંદ માણીશું અમે તારા માટે ખૂબ ખુશ થઇશું અને તારી પ્રસંશા કરીશું.
    તારો પ્રેમ; દ્રાક્ષારસથી પણ વધારે સારો છે,
    બધી યુવાન સ્ત્રીઓ તને શુભ આશયથી પ્રેમ કરે છે.

⁵ હે યરૂશાલેમની દીકરીઓ,
    હું રંગે શ્યામ છતાં સ્વરૂપવાન છું,
    મારી શ્યામલતા કેદારના તંબુઓના જેવી અથવા સુલેમાનના તંબૂના પડદાઓ સમાન છે.

⁷ હે પ્રાણપ્યારા, મને જણાવ તો ખરો કે,
    આજે ઘેટાં-બકરાં ચરાવવા કયાં જઇ રહ્યો છે?
    તેમને બપોરે વિસામો ક્યાં આપે છે તે તો કહે;
તારા સાથીદારોના ટોળાની સાથે બુરખાવાળી સ્રીની જેમ હું
    ભટકું તે કરતાં તારી સંગત સારી છે.

⁸ હે વિશ્વસુંદરી! જો તને ખબર ના હોય તો,
    ટોળાને પગલે પગલે,
ભરવાડના નેસડા સુધી આવજે,
    અને ત્યાં તારાઁ ઘેટાં ને લવારાં ચારજે.

¹² રાજાએ મેજ ગોઠવ્યું છે
    અને તેને તેજાના વડે સરસ સુગંધીત કર્યુ છે.
¹³ મારો પ્રીતમ મારા સ્તનોની વચ્ચે
    કસ્તુરીની થેલી જેવો લાગે છે.
¹⁴ મને મારો પ્રીતમ,
    એન-ગેદીની મેંદીનાઁ પુષ્પગુચ્છ જેવો લાગે છે.

¹⁵ મારી પ્રિયતમ, તું કેટલી સુંદર લાગે છે,
    હા ખરેખર ખુબ સુંદર!
    અને આ તારી આંખો પણ કેવી પારેવા જેવી નમણી લાગે છે.

¹⁶ હે પ્રીતમ, તું સુંદર છે,
    તું મનોહર છે;
વળી આપણો પલંગ પણ લીલાછમ ઘાસની જેમ છે.
¹⁷     આપણા ઘરના ધાબાના મોભ એરેજ વૃક્ષો
    અને આપણી છતની વળીઓ દેવદાર વૃક્ષોના બનેલા છે.