Revised Common Lectionary (Semicontinuous)

¹⁰ ज्या लोकांना तुझे नाव माहीत आहे
    ते तुझ्यावर विश्वास ठेवतात.
परमेश्वरा, जर लोक तुझ्याकडे आले,
    तर त्यांना मदत केल्याशिवाय परत पाठवू नकोस.

¹¹ सीयोनमध्ये राहाणाऱ्या लोकांनो, तुम्ही परमेश्वराची स्तुती करा.
    परमेश्वराने ज्या महान गोष्टी केल्या त्याबद्दल इतर देशांना सांगा.
¹² जे परमेश्वराकडे मदतीसाठी गेले ^[a]
    त्यांची आठवण त्याने ठेवली
त्या गरीब लोकांनी मदतीची याचना केली
    आणि परमेश्वर त्यांना विसरला नाही.

¹³ मी देवापाशी ही प्रार्थना केली “परमेश्वरा माझ्यावर दया कर,
    बघ माझे शत्रू मला त्रास देत आहेत.
    माझे ‘मृत्यूच्या दारा’ पासून रक्षण कर.
¹⁴ नंतर यरुशलेमच्या द्वारात परमेश्वरा, मी तुझी स्तुती गाईन.
    तू माझे रक्षण केलेस म्हणून मी खूप आनंदात असेन.”

¹⁵ ती इतर राष्ट्रे दुसऱ्या लोकांना सापळ्यात पकडण्यासाठी खड्डे खणतात.
    परंतु ते स्वतच त्या खड्यांत पडले.
दुसऱ्यांना पकडण्यासाठी त्यांनी जाळे लावले.
    परंतु ते स्वतच त्या जाळ्यात अडकले.
¹⁶ परमेश्वराने त्या वाईट लोकांना पकडले.
    परमेश्वर वाईट कृत्ये करणाऱ्यांना शिक्षा करतो हे ते शिकले हिग्गायोन. ^[b]

¹⁷ जे लोक देवाला विसरतात ते वाईट असतात.
    ते लोक मृत्युलोकात जातील.
¹⁸ कधी कधी देव संकटात असलेल्यांना विसरतो असे वाटते.
    त्या गरीबांना काही आशा नाही असेही वाटते.
    परंतु देवत्यांना कायमचा कधीच विसरत नाही.

¹⁹ परमेश्वरा, ऊठ आणि राष्ट्रांचा न्याय कर.
    आपण सामर्थ्यवान आहोत असा विचार लोकांना करु देऊ नकोस.
²⁰ लोकांना धडा शिकव.
    आपण केवळ माणसे आहोत हे त्यांना कळू दे.