Revised Common Lectionary (Semicontinuous)

¹ हे परमेस्सर, आपन बिसाल पिरेम स भरी
    आपन करुणा स मोह पइ दाया करा।
आपन बड़ी दयालुता स
    मोरे सबहिं पापन क तू मेट द्या।
² मोर सबइ पापन क धोइ डावा,
    अउर फुन स मोका स्वच्छ बनाइ द्या।
³ मइँ जानत हउँ, जउन पाप मइँ किहे अहउँ।
    मइँ आपन पापन क सदा आपन समन्वा लखत हउँ।
⁴ हे परमेस्सर, मइँ उहइ काम किहेउँ जेनका तू बुरा कह्या।
    तू उहइ अहा, जेकरे खिलाफ मइँ पाप किहेउँ।
मइँ स्वीकार करत हउँ इ सबइ बातन क,
    ताकि लोग जानि जाइँ कि मइँ पापी हउँ अउर तू निआउ स पूर्ण अहा,
    अउ तोहार निर्णय निस्पच्छ होत हीं।
⁵ मोर महतारी मोका दोखी मँ जनमेस,
    अउर पाप मँ मोर महतारी मोका गर्भ मँ धारण किहस।
⁶ हे परमेस्सर, तू चाहत अहा, हम बिस्सासी बनी।
    अउर निर्भय बन जाउँ।
    एह बरे तू मोका सच्चा विवेक स रहस्यन क सिच्छा द्या।
⁷ मोह पइ जूफा क पौंधा क प्रयोग करा अउर मोका पापे स स्वच्छ करा।
    मोका तब तलक धोआ, जब तलक मइँ बर्फ स जियादा उज्जवर न होइ जाउँ।
⁸ मोका खुस बनाइ द्या।
    बताइ द्या मोका कि कइसे खुस बनउँ? मोर उ सबइ हड्डियन जउन तू तोड़्या, फिन आनन्द स भरि जाइँ।
⁹ मोरे पापन्क जिन लखा।
    ओन सबन्क धोइ डावा।
¹⁰ हे परमेस्सर, मोहेमाँ एक ठु नवा, सुद्ध हिरदइ बनावा।
    मोरी आतिमा क फुन सुदृढ़ कइ द्या।
¹¹ मोका आपन समन्वा स जिन दूर हटावा,
    तोहार पवित्तर आतिमा क मोहसे जिन छोर ल्या।
¹² उ उल्लास जउन तोहसे आव्त ह, मोहमाँ भरि जाइ।
    मोरे चित्त क अडिग अउ तइयार करा
    सुरच्छित होइ बरे अउर तोहार हुकूम मानइ बरे।

² हे यहोवा, मइँ तोहरे बारे मँ सुनेउँ ह।
    हे यहोवा, बीत गए समइ मँ जउन सक्ति स भरा कारज तू किहे ह, ओन पइ मोका अचंभा अहइ।
अब मोर तोसे बिनती बाटइ
    कि हमरे समइ मँ तू फुन ओनसे बड़का कारज करा।
मुला तू गुस्सा मँ भी
    हम पचन पइ दाया क देखाउब सुमिरा।