Revised Common Lectionary (Semicontinuous)

105 परमेश्वराला धन्यावाद द्या.
त्याच्या नावाचा धावा करा.
    राष्ट्रांना तो करत असलेल्या अद्भुत गोष्टींबद्दल सांगा.
² परमेश्वराला गाणे गा; त्याची स्तुतिगीते गा.
    तो ज्या अद्भुत गोष्टी करतो त्याबद्दल सांगा.
³ परमेश्वराच्या पवित्र नावाचा अभिमान बाळगा.
    तुम्ही लोक परमेश्वराला शोधत आला, सुखी व्हा.
⁴ शक्तीसाठी परमेश्वराकडे जा.
    मदतीसाठी नेहमी त्याच्याकडे जा.
⁵ तो ज्या आश्चर्यकारक गोष्टी करतो त्याची आठवण ठेवा त्याचे चमत्कार
    आणि त्याचे शहाणपणाचे निर्णय याची आठवण ठेवा.
⁶ तुम्ही त्याचा सेवक अब्राहाम याचे वंशज आहात.
    तुम्ही याकोबाचे, देवाने निवडलेल्या माणसाचे वंशज आहात.
⁷ परमेश्वर आपला देव आहे.
    परमेश्वर सर्व जगावर ^[a] राज्य करतो.
⁸ परमेश्वर देवाच्या कराराची सदैव आठवण ठेवा.
    हजारो पिढ्या त्याच्या आज्ञांची आठवण ठेवा.
⁹ देवाने अब्राहामा बरोबर करार केला.
    देवाने इसहाकाला वचन दिले.
¹⁰ नंतर त्याने याकोबासाठी नियम केला.
    देवाने इस्राएल बरोबर करार केला.
    तो सदैव राहील.
¹¹ देव म्हणाला, “मी तुला कनानची जमीन देईन.
    ती जमीन तुझ्या मालकीची होईल.”

⁴² देवाला त्याच्या पवित्र वचनाची आठवण होती.
    देवाला त्याचा सेवक अब्राहाम याला दिलेल्या वचनाची आठवण आली.
⁴³ देवाने त्याच्या माणसांना मिसरमधून बाहेर आणले.
    लोक आनंदाने नाचत बागडत, गाणी म्हणत बाहेर आले.
⁴⁴ देवाने त्याच्या माणसांना इतर लोक राहात असलेला देश दिला.
    देवाच्या माणसांना इतरांनी काम करुन मिळवलेल्या वस्तू मिळाल्या.
⁴⁵ देवाने असे का केले?
त्याच्या माणसांनी त्याचे नियम पाळावे म्हणून त्यांनी त्याची
    शिकवण काळजीपूर्वक आचरावी म्हणून,

परमेश्वराची स्तुती करा.

“तुझे सिंहासन, हे देवा, तुझे सिंहासन सदासर्वकाळासाठी आहे,
    आणि तुझे राज्य न्यायाचे असेल.
⁹ नीति तुला नेहमी प्रिय आहे. अनीतीचा तू द्वेष करतोस.
    म्हणून देवाने तुझ्या देवाने,
    तुझ्या सोबत्यांपेक्षा तुला आनंदादायी तेलाचा अभिषेक केला आहे.” ^(A)

“हे प्रभु, सुरुवातीला तू पृथ्वीचा पाया घातलास,
    आणि आकाश तुझ्या हातचे काम आहे.
¹¹ ती संपुष्टात येतील पण तू सतत राहशील
    ते कापडासारखे जुने होतील.
¹² तू त्यांना अंगरख्यासारखे गुंडाळशील,
    तू त्यांना कपड्यासारखे बदलशील,
पण तू नेहमी सारखाच राहशील,
    आणि तुझी वर्षे कधीही संपणार नाहीत.” ^(B)