Revised Common Lectionary (Semicontinuous)

² यहोवा तोहार राज्ज क अधिकार सिय्योन स स्थापित करी।
    तू आपन दुस्मनन पइ सासन करी।
³ तोहरे पराक्रम क दिन
    तोहरी प्रजा क लोग स्वेछा बलि बनिहीं।
तोहार जवान पवित्तर होइ स
    सुसोभित भिन्सारे क गर्भ स जन्मी ओसे क नाई तोहरे लगे अहइँ।

⁴ यहोवा एक वचन दिहस,
    अउर उ आपन मन नाहीं बदली।
“तू हमेसा बरे याजक अहा,
    जइसा मेल्कीसेदेक क समूह क याजक रहा।”

²³ “जउन मइँ कहत हउँ ओका कउनो क याद राखइ चाही अउ किताबे मँ लिख देइ चाही!
    मोर सब्द कउनो क गोल पत्रक पइ लिख देइ चाही!
²⁴ मइँ जउने बातन क कहत ओनका कउनो लोहा क कलम स सीसा पइ लिखा जाइ चाही
    या ओनका चट्टाने पइ खोद दीन्ह जाइ चाही ताकि उ हमेसा बरे रहइ जाइ।
²⁵ मोका इ जानत हउँ कि कउनो एक अइसा अहइ जउन मोर बरे बोलब्या अउर मोर रच्छा करब्या।
    मोका बिस्सास अहइ कि आखिर मँ उ धरती पइ खड़ा होब्या अउर मोरे बचाव करब्या।
²⁶ मोरे आपन देह छोड़इ अउर मोर चमड़ी तबाह होइक पाछे भी
    मइँ जानत हउँ कि मइँ परमेस्सर क लखब।
²⁷ मइँ परमेस्सर क खुद आपन आँखिन स लखब।
    खुद स कउनो दूसर नाहीं, परमेस्सर क लखब।
    मइँ बता नाहीं केतँना खुसी अनुभव करत हउँ।