Revised Common Lectionary (Semicontinuous)

69 देवा, मला माझ्या सर्व संकटांपासून वाचव.
    पाणी आता माझ्या तोंडापर्यंत चढले आहे.
² इथे उभे राहाण्यासाठीही काही नाही.
    मी बुडत चाललो आहे. चिखलात बुडत आहे.
मी खोल पाण्यात आहे आणि लाटा माझ्यावर येऊन आदळत आहेत.
    मी आता लवकरच बुडणार आहे.
³ मी मदतीसाठी याचना करुन थकलो आहे.
    माझा घसा दुखत आहे.
मी थांबलो आणि डोळे दुखेपर्यंत
    तुझ्या मदतीची वाट पाहिली.
⁴ मला माझ्या डोक्यावरील केसांपेक्षाही जास्त शत्रू आहेत.
    ते विनाकारण माझा तिरस्कार करतात.
    माझा नाश व्हावा म्हणून ते हरप्रकारे प्रयत्न करतात.
माझे शत्रू माझ्याविषयी खोटे सांगतात.
    मी चोरी केली असे त्यांनी खोटेच सांगितले
    आणि नंतर मी न चोरलेल्या वस्तूंसाठी त्यांनी मला किंमत मोजायला भाग पाडले.
⁵ देवा, मी मूर्खासारखा वागलो ते तुला माहीत आहे.
    मी माझी पापे तुझ्यापासून लपवून ठेवू शकत नाही.

³⁰ मी गाण्यातून देवाच्या नावाची स्तुती करीन.
    मी त्याची धन्यवादाच्या गाण्यातून स्तुती करीन.
³¹ यामुळे देव आनंदित होईल.
    एखादा बैल मारुन संपूर्ण प्राणी देवाला अर्पण करण्यापेक्षा हे कितीतरी चांगले.
³² गरीबांनो तुम्ही देवाची उपासना करण्यासाठी आलात.
    या गोष्टी कळल्याने तुम्हाला आनंद होईल.
³³ परमेश्वर गरीबांचे, दीनांचे ऐकतो
    परमेश्वराला तुरुंगातले लोक अजूनही आवडतात.
³⁴ देवाची स्तुती करा स्वर्ग आणि पृथ्वी,
    समुद्र आणि त्यातील सर्व गोष्टी तुम्ही सर्व त्याची स्तुती करा.
³⁵ परमेश्वर सियोनाला वाचवेल.
    परमेश्वर यहुदाची नगरे परत बसवील.
ती जमीन ज्यांच्या मालकीची होती ते लोक तिथे पुन्हा राहातील.
³⁶     त्याच्या सेवकाच्या वंशजांना ती जमीन मिळेल.
    ज्या लोकांना त्याचे नाव आवडते ते लोक तिथे राहातील.

¹⁴ बहुमोल यहुदा, घाबरू नकोस.
    इस्राएलमधील माझ्या लाडक्या लोकांनो, भिऊ नका.
मी खरोखरच तुम्हाला मदत करीन.”