Revised Common Lectionary (Semicontinuous)

⁴ परमेश्वरा, वाळवंटातले झरे पुन्हा पाण्याने भरुन वहायला लागतात.
    तसं आम्हाला पुन्हा मुक्त कर.
⁵ एखादा माणूस बी पेरते वेळी दु:खी असू शकेल.
    पण तो जेव्हा पीक गोळा करतो तेव्हा तो आनंदी असतो.
⁶ तो जेव्हा बी शेतात नेतो तेव्हा तो दु:खी होईल.
    पण तो जेव्हा धान्य घरी आणतो तेव्हा आनंदी असतो.

² परमेश्वरा, मी तुझी वार्ता ऐकली.
    परमेश्वर तू भूतकाळात केलेल्या सामर्थ्यशाली गोष्टीने मी विस्मयचकित झालो आहे.
आता, आमच्या काळातही तू अशाच मोठ्या गोष्टी घडवाव्यास म्हणून मी प्रार्थना करतो.
    कृपया आमच्या आयुष्यातच त्या घडव.
पण तुझ्या खळबळजनक घटनांच्या वेळीही, आमच्यावर दया करण्यास विसरु नकोस.

³ तेमानहून देव येत आहे.
    पारान पर्वतावरुन पवित्र परमेश्वर येत आहे.

परमेश्वराच्या तेजाने स्वर्ग व्यापला जातो
    आणि स्तुतीने पृथ्वी व्यापली जाते.
⁴ ते तेज तेजस्वी, चमकदार प्रकाशाप्रमाणे आहे त्याच्या हातातून किरण निघतात.
    त्या हातात मोठे सामर्थ्य लपले आहे.
⁵ आजार त्याच्या आधी गेला.
    आणि नाश करणारा त्याच्यामागून गेला.
⁶ परमेश्वराने स्वतः उभे राहून, पृथ्वीला न्याय दिला
    त्याने राष्ट्रांतील लोकांवर नजर टाकली
    आणि त्या लोकांचा भीतीने थरकाप झाला.
पुष्काळ वर्षे पर्वत घटृपणे उभे होते
    पण त्यांचा चक्काचूर झाला.
अती प्राचीन टेकड्या खाली कोसळल्या
देवाचे नेहमीच हे असे असते.