Revised Common Lectionary (Semicontinuous)

⁴ मला परमेश्वराजवळ फक्त एकाच गोष्टीची मागणी करायची आहे.
    मला हे मागायचे आहे,
“मला आयुष्यभर परमेश्वराच्या मंदिरात बसू द्या म्हणजे
    मी परमेश्वराचे सौंदर्य बघेन
    आणि त्याच्या राजवाड्याला भेट देईन.”

⁵ मी संकटात सापडलो की परमेश्वर माझे रक्षण करील.
    तो मला त्याच्या तंबूत लपवेल
    तो मला त्याच्या सुरक्षित जागी नेईल.
⁶ माझ्या शत्रूंनी माझ्या भोवती वेढा घातला आहे.
    परंतु त्यांचा पराभव करायला परमेश्वर मला मदत करील नंतर मी त्याच्या डेऱ्यात बळी अर्पण करीन.
मी बळी देताना आनंदाने ओरडेन.
    मी परमेश्वराला आदर दाखविण्यासाठी गाणीगाईन, वाद्ये वाजवीन.

⁷ परमेश्वरा, माझा आवाज ऐक मला उत्तर दे.
    माझ्याशी दयेने वाग.
⁸ परमेश्वरा मला तुझ्याशी बोलायचे आहे.
    मला अगदी माझ्या ह्रदयातून तुझ्याशी बोलायचे आहे.
    परमेश्वरा, मी तुझ्यासमोर तुझ्याशी बोलायला आलो आहे.
⁹ परमेश्वरा, माझ्यापासून असा दूर जाऊ नकोस.
    तुझ्या सेवकावर रागावू नकोस आणि दूर जाऊ नकोस.
मला मदत कर! मला दूर लोटू नकोस.
    मला सोडू नकोस, देवा तूच माझा तारणारा आहेस.
¹⁰ माझे आईवडील मला सोडून गेले.
    परंतु परमेश्वराने मला घेतले आणि त्याचे बनवले.
¹¹ परमेश्वरा, मला शत्रू आहेत म्हणून तू मला तुझे मार्ग शिकव.
    मला योग्य गोष्टी करायला शिकव.
¹² मला माझ्या शत्रुंचा बळी होऊ देऊ नको त्यांनी माझ्याबद्दल खोटेनाटे सांगितले.
    मला दुख देण्यासाठी त्यांनी माझ्याबद्दल खोटे सांगितले.
¹³ मला खरोखरच असा विश्वास वाटतो की
    मरण्याआधी मला परमेश्वराचा चांगुलपणा दिसेल.
¹⁴ परमेश्वराच्या मदतीची वाट बघ.
    सामर्थ्यवान आणि धीट हो
    व परमेश्वराच्या मदतीची वाट पहा.

⁷ प्रामाणिकपणा हे सज्जनांचे ब्रीद असते.
    सज्जन सत्याच्या सरळ मार्गाने जातात,
आणि देवा तू तो मार्ग सुकर
    व सुलभ करतोस.
⁸ पण परमेश्वरा, तू न्याय कसा करतोस ते बघण्यास आम्ही उत्सुक आहोत.
    आमचे आत्मे तुला व तुझ्या नांवाला कायम स्मरणात ठेवू इच्छितात.
⁹ प्रत्येक रात्रीबरोबर तुझ्याशी एकरूप होण्याची आमची इच्छा आहे,
    आणि प्रत्येक पहाटेबरोबर माझ्यातील आत्मा तुझ्याशी समरस होऊ इच्छितो.
जेव्हा तू न्याय देशील तेव्हा
    लोकांना जगण्याचा योग्य मार्ग सापडेल.
¹⁰ पापी माणसावर तू फक्त दयाच करीत राहिलास
    तर तो कधीच सत्कृत्य करायला शिकणार नाही.
वाईट माणूस चांगल्या लोकांत राहिला तरी वाईट गोष्टीच करील:
    दुष्टाला परमेश्वराची महानता कदाचित कधीच कळणार नाही.
¹¹ पण परमेश्वरा, तू त्यांना शिक्षा करण्यास तयार हो.
    नक्कीच ते हे पाहातील नाही का?
परमेश्वरा, तुझ्या लोकांबद्दल असलेले
    तुझे भक्कम प्रेम तू पाप्यांना दाखव.
मग ते नक्कीच खजील होतील.
    तुझे शत्रू नक्कीच त्यांच्याच
    आगीत भस्मसात होतील.
¹² परमेश्वरा, आम्ही तडीस नेलेल्या सर्व गोष्टी
    तूच आमच्यासाठी केल्या आहेस तेव्हा आम्हाला शांती दे.