Revised Common Lectionary (Semicontinuous)
वर व मंदिरात जाण्याच्या वेळचे स्तोत्र.
123 देवा, मी वर बघून तुझी प्रार्थना करतो.
तू स्वर्गात राजा म्हणून बसतोस.
2 गुलाम त्यांना लागणाऱ्या वस्तूंसाठी
मालकावर अवलंबून असतात.
3 त्याच प्रमाणे आपण परमेश्वरावर, आपल्या देवावर अवलंबून असतो.
आपल्यावर दया करावी म्हणून आपण देवाची वाट बघतो.
4 परमेश्वरा, आमच्याशी दयाळू राहा.
खूप काळापासून आमचा अपमान होत आला आहे म्हणून तू दयावंत हो.
५गर्विष्ठ लोकांनी आमचा खूप काळ अपमान केला.
ते इतर लोकांपेक्षा चांगले आहेत असे त्यांना वाटते.
दबोराचे गीत
5 इस्राएल लोकांनी सीसराचा पराभव केला त्या दिवशी दबोरा आणि अबीनवामचा मुलगा बाराक यांनी हे गीत गायले:
2 “इस्राएलचे लोक युध्दाला तयार झाले [a]
ते स्वेच्छेने युध्दासाठी सज्ज झाले.
परमेश्वराचा धन्यवाद करा.
3 “राजांनो ऐका,
लक्ष द्या अधिपतींनो,
मी परमेश्वराचे,
इस्राएल लोकांच्या परमेश्वराचे
गीत स्वतः गाईन.
त्याचे स्तुति स्तोत्र म्हणीन.
4 “परमेश्वरा, पूर्वी जेव्हा तू सेईरमधून आलास,
अदोम भूमीतून तू कूच केलेस.
तेव्हा पृथ्वी थरारली.
आकाशाने वर्षाव केला
ढगातून वृष्टी झाली.
5 पर्वतांचाही थरकाप झाला परमेश्वरापुढे.
सीनाय पर्वताच्या देवापुढे.
इस्राएलांचा देव परमेश्वरापुढे.
6 “अनाथचा मुलगा शमगार याच्या
आणि याएलच्या कारकिर्दीत राजमार्ग
ओस पडले वाटसरुंचे तांडे आडवाटेने जाऊ लागले.
7 “दबोरा तू येईपर्यंत इस्राएलची माता म्हणून तू उभी राहीपर्यंत [b]
इस्राएलमध्ये सैनिक नव्हते.
नावालाही सैनिक नव्हते.
8 “नगराच्या वेशीपाशी युध्द करायला
परमेश्वराने नवे नेते निवडले. [c]
तेव्हा चाळीस हजार इस्राएल लोकांत
कोणाकडेही भाला किंवा ढाल नव्हती.
9 “ज्यांनी स्वेच्छेने युध्दावर जाण्याचे पत्करले
त्या इस्राएल लोकांच्या सेनाधिपती बरोबर माझे हृदय आहे.
परमेश्वराचा धन्यवाद करा.
10 “पांढऱ्या गाढवांवर बसणाऱ्यांनो,
खोगिराच्या बिछायतीवर बसणाऱ्यांनो
आणि वाटेने चालणाऱ्यांनो इकडे लक्ष द्या.
11 गुरांच्या पाणवठ्यावर आम्हाला झांजांचा
नाद ऐकू येतो.
जेंव्हा नगराच्या वेशीपाशी परमेश्वराच्या
लोकांनी लढाई केली
आणि ते जिंकले तेव्हा लोक परमेश्वराच्या पराक्रमाची गाथा गातात,
आणि इस्राएलच्या सैनिकांचे स्तुतिस्तोत्र म्हणतात.
12 “ऊठ दबोरा,
जागी हो, गाणे म्हण!
बाराका ऊठ,
अबीनवामाच्या मुला शत्रूंना बंदिवान कर.
सध्याचे लोक पापी आहेत(A)
43 “जेव्हा अशुद्ध आत्मा माणसाला सोडून बाहेर निघून जातो तेव्हा तो पाणी नसलेल्या ठिकाणाहून विसावा शोधीत फिरतो पण तो त्याला मिळत नाही. 44 तेव्हा तो म्हणतो, जेथून मी आलो त्या माझ्या घरात मी परत जाईन आणि जेव्हा तो परत येतो तेव्हा ते घर रिकामे असलेले तसेच स्वच्छ व नीटनेटके असे त्याला दिसते. 45 नंतर तो जाऊन आपल्यापेक्षा वाईट असे दुसरे सात आणखी आत्मे आपल्याबरोबर घेतो व ते आत शिरून त्याला झपाटतात व त्याच्यात राहतात. मग त्या माणसाची शेवटची स्थिति पहिल्यापेक्षा वाईट होते. तसेच आजच्या ह्या पापी पिढीचे होईल.”
2006 by World Bible Translation Center