Revised Common Lectionary (Semicontinuous)
Dee 121 Psalm
En leet fonn nehejcht gone.
1 Ekj woa miene Uage nehejcht häwe no dee Boaj; fonn wua saul miene Help kome?
2 Miene Help kjemt fonn däm Herr Gott, dee de Himmels un dee Ead muak.
3 Hee woat nijch erlaube daut dien Foot jleppe sull; dee die bewoat, woat nijch schlope.
4 See, dee Iesrael bewoat, woat nijch schlope!
5 Dee Herr Gott es dien Bewoara; dee Herr Gott es dien Schaute aun diene rajchte Haunt.
6 Dee Sonn woat die nijch stäakje bie Dach, uk nijch de Mon bie Nacht.
7 Dee Herr Gott woat die bewoare fonn aulet Beeset; Hee woat diene Seel bewoare.
8 Dee Herr Gott woat dien rut gone un dien enenn kome bewoare; fonn nu aun un wieda bott enne Eewijchkjeit.
13 Lot aulamaun dee Rejiarung unjadon senne dee aewa an harscht. Dan doa es kjeene Rejiarung dee nich fonn Gott es, en dee doa sent, sent fonn Gott bestaedicht.
2 Aulso waea sikj jeajen dee Rejiarung stalt, stalt sikj jaeajen Gott siene Ordninj; en dee sikj jaeajenaun stale, woare aewa sikj selfst Uadeel brinje.
3 Dan dee doa rejiare sent nich to ferchte waeajen goodet, oba waeajen Beeset. West du die dan fa dee Rejiarung nich engste, dan doo goodet, dan woascht du Ea ha fonn an;
4 Dan hee es Gott sien Deena die tom goode. Oba wan du beeset deist, engst die, wiel hee dracht nich daut Schweat emsonst; wiel aus Gott sien Deena es hee dee, dee Rach eeft aewa daen, dee Beeset doone.
5 Doaromm eset needich unjadon to senne, nich bloos waeajen Oaja, oba uk waeajen daut Jewesse.
6 Doaromm tolt uk Taks, dan see sent Gott siene Deena dee sikj emma doato hanjaewe.
7 Jaeft aulamaun waut an traft: Taks daem Taks traft; Tsol daem Tsol traft; Fercht daem Fercht traft; Ea daem Ea traft.
Copyright © 2001 by Elmer Reimer