Revised Common Lectionary (Semicontinuous)
वर मंदिरात जाण्याच्या वेळचे स्तोत्र.
134 परमेश्वराच्या सर्व सेवकांनो, त्याची स्तुती करा.
तुम्ही सेवकांनी मंदिरात रात्रभर सेवा केली.
2 सेवकांनो, तुमचे बाहू उभारा
आणि परमेश्वराचे स्तोत्र गा.
3 आणि परमेश्वर तुम्हाला सियोनवरुन आशीर्वाद देवो.
परमेश्वराने स्वर्ग आणि पृथ्वी निर्माण केली.
32 “मुलांनो, आता माझे ऐका, जर तुम्ही माझा मार्ग अनुसरला
तर तुम्हीही आनंदी व्हाल.
33 माझी शिकवण ऐका आणि शहाणे व्हा.
ऐकायला नकार देऊ नका.
34 जो माझे ऐकतो तो सुखी होतो.
तो रोज माझ्या दारावर पहारा देतो.
तो माझ्या दाराजवळ थांबतो.
35 ज्या माणसाला मी सापडते.
त्याला जीवन सापडते.
त्याला परमेश्वराकडून चांगल्या गोष्टी मिळतील.
36 पण जो माझ्याविरुध्द् पाप करतो तो स्वतःलाच इजा करुन घेतो.
जे लोक माझा तिरस्कार करतात ते मरणाला कवटाळतात.”
ज्ञानरुपी स्त्री आणि मूर्खता
9 ज्ञानरुपी स्त्रीने आपले घर बांधले, त्यात तिने सात खांब [a] ठेवले. 2 तिने (ज्ञानरुपी स्त्रीने) मांस शिजवले आणि द्राक्षारस तयार केला. तिने अन्न तिच्या टेबलावर ठेवले. 3 नंतर तिने आपल्या नोकरांकरवी शहरातील लोकांना तिच्याबरोबर टेकडीवर भोजन करण्यासाठी येण्याचे आमंत्रण पाठविले. ती म्हणाली, 4 “ज्या लोकांना शिकण्याची आवश्यकता वाटते त्यांनी यावे.” तिने मूर्ख लोकांनाही बोलावले. ती म्हणाली, 5 “या माझ्या ज्ञानाचे अन्न खा. आणि मी तयार केलेला द्राक्षारस प्या. 6 तुमचे जुने, मूर्खपणाचे मार्ग सोडून द्या. मग तुम्हाला आयुष्य मिळेल. समजूतदारपणाचा मार्ग अनुसरा.”
जिवंत धोंडा व पवित्र राष्ट्र
2 म्हणून सर्व प्रकारची दुष्टता, तसेच फसवणूक, ढोंगीपणा हेवा, निंदा यापासून सुटका करुन घ्या. 2 नुकत्याच जन्मलेल्या लहान बाळासारखे तुम्ही शुद्ध आध्यात्मिक दूधाची इच्छा धरा. यासाठी की त्यापासून तुमची वाढ होईल व तुमचे तारण होईल. 3 आता “प्रभु चांगला आहे याचा अनुभव तुम्ही घेतला आहे.” [a]
2006 by World Bible Translation Center