Revised Common Lectionary (Semicontinuous)

116 परमेश्वर माझी प्रार्थना ऐकतो
    ते मला खूप आवडते.
² मी त्याला मदतीसाठी हाक मारतो
    आणि ती तो ऐकतो ते मला खूप आवडते.
³ मी जवळ जवळ मेलो होतो.
    मृत्यूचे दोर माझ्या भोवती आवळले गेले होते.
माझ्या भोवती थडगे आवळले जात होते.
    मी खूप घाबरलो होतो आणि चिंतित झालो होतो.
⁴ नंतर मी परमेश्वराचे नाव घेतले.
    मी म्हणालो, “परमेश्वरा, मला वाचव.”

¹² मी परमेश्वराला काय देऊ शकतो?
    माझ्या जवळ जे आहे ते मला परमेश्वरानेच दिले आहे.
¹³ त्याने मला वाचवले म्हणून मी त्याला पेय अर्पण करीन
    आणि मी परमेश्वराला त्याच्या नावाने हाक मारीन.
¹⁴ मी परमेश्वराला कबूल केलेल्या गोष्टी देईन.
    आता मी त्याच्या लोकांसमोर जाईन.

¹⁵ परमेश्वराच्या एखाद्या भक्ताचा मृत्यू परमेश्वराच्या दृष्टीने महत्वपूर्ण असतो.
    परमेश्वरा, मी तुझा सेवक आहे.
¹⁶ मी तुझा सेवक आहे.
    मी तुझी दासी असलेल्या स्त्रीचा मुलगा आहे.
    परमेश्वरा, तू माझा पहिला गुरु आहेस.
¹⁷ मी तुला धन्यवाद म्हणून स्तुति अर्पण करीन.
    मी परमेश्वराचे नामस्मरण करीन.
¹⁸ मी कबूल केलेल्या गोष्टी परमेश्वराला देईन.
    आता मी त्याच्या सर्व लोकांसमोर जाईन.

¹⁹ मी यरुशलेम मध्या मंदिरात जाईन.

परमेश्वराचा जयजयकार करा.

⁹ तेव्हा लोक म्हणतील,
    “हा आपला देव आहे.
आपण ज्याची वाट पाहत आहोत तोच हा.
    तो आपले रक्षण करायला आला आहे.
आपण त्या आपल्या परमेश्वराची वाट पाहत आहोत,
    म्हणून जेव्हा परमेश्वर आपले रक्षण करील तेव्हा आनंद साजरा करू आणि सुखी होऊ.”