◀ All Reading Plans / Revised Common Lectionary (Semicontinuous) / Psalm 119:1-8 (Happy are those who walk in the law); Genesis 26:1-5 (God blesses Isaac); James 1:12-16 (God tempts no one) (Awadhi Bible: Easy-to-Read Version)

Prev Day

February 9, 2023

Next Day

Use the calendar to view readings from this devotional.

February 2023
Su	Mo	Tu	We	Th	Fr	Sa
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28

Return to today's reading

Revised Common Lectionary (Semicontinuous)

Daily Bible readings that follow the church liturgical year, with sequential stories told across multiple weeks.

Duration: 1245 days

भजन संहिता 119:1-8

आलेफ

¹जउन लोग इमानदारी स जीवन जिअत हीं, उ सबइ कामयाब रहत हीं।
    अइसे लोग यहोवा क सिच्छा पइ चलत हीं।
²लोग जउन यहोवा क करार पइ चलत हीं, उ पचे कामयाब रहत हीं।
    आपन समूचइ मन स उ पचे यहोवा क मानइ बरे खोजत हीं।
³उ पचे लोग बुरा काम नाहीं करतेन।
    उ पचे यहोवा क आग्या क मानत हीं।
⁴हे यहोवा, तू आपन उपदेस इ बरे दिहा ह,
    हम पचे ओका धियान स पालन कइ सकी।
⁵हे यहोवा, मइँ सदा तोहरे कानून क
    नियमित रूप स पालन करेउँ,
⁶तब जब मइँ तोहर सबइ आग्यन क पढ़ब
    मइँ कबहुँ भी नाहीं लजाब।
⁷मइँ तोहार स्तुति पूरी मन स करब
    जेतॅना जियादा मइँ तोहरे फइसलन क बारे मँ सिखेउँ ह।
⁸हे यहोवा, मइँ तोहरे कानूनन क पालन करब।
    तउ कृपा कइके मोका पूरी तरह स जिन बिसरा।

उत्पत्ति 26:1-5

इसहाक अबीमेलेक स झूठ बोलत ह

26 एक दाँई अकाल पड़ा। इ अकाल वइसा ही रहा जइसा इब्राहीम क टेम मँ पड़ा। ऍह बरे इसहाक गरार सहर मँ पलिस्तियन क राजा अबीमेलेक क लगे गवा। ²यहोवा इसहाक स बात किहस। यहोवा इसहाक स इ कहेस, “मिस्र क जिन जा। उहइ देस मँ रहा जेहमाँ रहइ क हुकुम मइँ तोहका दिहेउँ ह। ³उहइ देस मँ रहा अउर मइँ तोहरे संग रहब। मइँ तोहका आसीर्बाद देब। मइँ तोहका अउ तोहरे परिवार क उ सब पहटा देब। मइँ उहइ करब जउन मइँ तोहरे बाप इब्राहीम क बचन दिहेउँ ह। ⁴मइँ तोहरे परिवार क आकास क तारा समूह क तरह बहोत स बनाउब अउर मइँ सारा पहटा तोहरे परिवारे क देब। धरती क सब रास्ट्र तोहरे सन्तानन क कारण मोर आसीर्बाद पाइ जइही। ⁵मइँ इ ऍह बरे करब कि तोहार बाप मोर हुकुम क मानेस अउ मइँ जउन कछू कहेउँ, उ किहस। इब्राहीम मोरे हुकुमन, मोर कानूनन अउ मोरे नेमन क पालन किहस।”

याकूब 1:12-16

परमेस्सर परीच्छा नाहीं लेत

¹²उ मनई धन्य अहइ जउन परीच्छ मँ अटल रहत ह काहेकि परिच्छा मँ खरा उतरइ क बाद उ जीवन क ओह बिजय मुकुट क धारण करी जेका परमेस्सर अपने पिरेम करइवालन क देइ क बचन दिहे अहइ। ¹³परीच्छा क घड़ी मँ कीहीउ क इ नाहीं कहइ चाही, “परमेस्सर मोर परीच्छा लेत अहइ,” काहेकि खराब बातन स परमेस्सर क कउनउ लेब-देब नाहीं होत। उ कउनो क परीच्छा नाहीं लेत। ¹⁴हर कउनो आपन ही खराब इच्छन स भ्रम मँ फंसिके परीच्छा मँ पड़त ह। ¹⁵फिन जब उ इच्छा गर्भवती होत ह तउ पाप पूरा बढ़ जात ह अउर उ मउत क जनम देत ह।

¹⁶तऊन मोर पिआर भाइयो तथा बहिनियो, धोखा न खा।

Awadhi Bible: Easy-to-Read Version (ERV-AWA)