Revised Common Lectionary (Semicontinuous)

Jesusca yacuta huaira cuyuchicujpimi jarcashca

²² Shuj punllami Jesusca Paipaj yachacujcunandij barcoman yaicushpaca:

–Cai cucha ch'imbanijman jacuchij– nishpa rircacuna.

²³ Barcopi ricushpami, Jesusca dormirirca. Pai dormicujpimi, cuchapi acapana huaira jatarishpaca, yacuta caiman chaiman cuyuchijpi, barcopi yacu jundashpa huashicuchigrirca. ²⁴ Chaimantami yachacujcuna Jesuspajman c'uchuyashpaca:

–¡Yachachij, Yachachij, yacu millpugrinca!– nishpa rijchachircacuna.

Jesús rijcharishpa huairatapish, caiman chaiman shitacuj yacutapish jarcashpa sinchita rimajpica, casijlla tucurcallami. ²⁵ Chaimantami Jesusca:

–Ñucata crinamari canguichij. ¿Ima nishpataj mana cringuichij?– nirca.

Paicunaca chujchushpa mancharishpami, caishuj chaishuj: «¿Cai runaca imatajchu, imamí? Yacupish, huairapish Pai mandajpica caźunllamari» nishpa cushicurcacuna.