Revised Common Lectionary (Semicontinuous)

⁸ Kama kweli mnaitunza sheria ya ufalme inayopatikana katika Maandiko, “Mpende jirani yako^[a] kama unavyojipenda mwenyewe,”^(A) mtakuwa mnafanya vizuri. ⁹ Lakini kama mtakuwa mnaonyesha upendeleo, mtakuwa mnafanya dhambi na mtahukumiwa kuwa na hatia kama wavunja sheria.

¹⁰ Ninasema hivi kwa sababu yeyote anayeitunza Sheria yote, lakini akaikosea hata mmoja tu atakuwa na hatia ya kuihalifu Sheria yote. ¹¹ Kwa sababu yeye aliyesema, “Usizini,”^(B) pia ndiye aliyesema, “Usiue.”^(C) Hivyo, kama hutazini lakini ukaua utakuwa umevunja Sheria yote ya Mungu.

¹² Mseme na kutenda kama watu watakaokuja kuhukumiwa kwa sheria inayoleta uhuru. ¹³ Kwa kuwa hukumu ya Mungu haitakuwa na huruma kwake yeye ambaye hakuwa na rehema. Lakini rehema huishinda hukumu!