◀ All Reading Plans / Revised Common Lectionary (Semicontinuous) / Psalm 114 (Tremble O earth); Exodus 15:19-21 (The song of Miriam); Matthew 6:7-15 (Forgiving one another) (Maori Bible)
Print Page Options
Previous Prev Day
September 16, 2017 Use the calendar to view readings from this plan.
Next DayNext

Revised Common Lectionary (Semicontinuous)

Daily Bible readings that follow the church liturgical year, with sequential stories told across multiple weeks.
Duration: 1245 days
Maori Bible (MAORI)
Version
Psalm 114

114  I te putanga mai o Iharaira i Ihipa, o te whare o Hakopa i te iwi reo ke,

2 Ko Hura tona wahi tapu, ko Iharaira tona rangatiratanga.

3 I kite te moana, a whati ana: i whakahokia ki muri a Horano.

4 Pekepeke ana nga maunga ano he hipi toa, nga pukepuke ano he reme.

5 I ahatia koe, e te moana, i whati ai koe e Horano, i whakahokia ai koe ki muri?

6 E nga maunga, i pekepeke ai koutou ano he hipi toa; e nga pukepuke, ano he reme?

7 E wiri, e te whenua, i te aroaro o te Ariki; i te aroaro o te Atua o Hakopa;

8 I meinga ai te toka hei hopua wai; te kiripaka hei puna wai.

Exodus 15:19-21

19 I haere hoki nga hoiho a Parao, me ana hariata, me ana hoia eke hoiho ki te moana, a na Ihowa i whakahoki nga wai o te moana ki runga ki a ratou: tena ko nga tama a Iharaira, i haere ra te wahi maroke, i waenga moana.

20 A ka tango a Miriama poropiti, tuahine o Arona, i te timipera ki tona ringa; a haere atu ana nga wahine katoa i muri i a ia me nga timipera, me te kanikani ano ratou.

21 A i whakahokia e Miriama ta ratou, Waiata ki a Ihowa, he hira noa atu hoki tona kororia; nana hoki te hoiho raua ko tona kaieke i whiu ki te moana.

Matthew 6:7-15

7 Na, ka inoi koutou, aua e whakahuatia noatia ko aua kupu ano, kei pera me nga tauiwi: ki ta ratou hoki ma nga kupu maha e rangona ai ratou.

8 Na, kei rite koutou ki a ratou: e matau ana hoki to koutou Matua ki nga mea e matea ana e koutou, i te mea kiano koutou i inoi ki a ia.

9 Na kia penei ta koutou inoi: E to matou Matua i te rangi, Kia tapu tou ingoa.

10 Kia tae mai tou rangatiratanga. Kia meatia tau e pai ai ki runga ki te whenua, kia rite ano ki to te rangi.

11 Homai ki a matou aianei he taro ma matou mo tenei ra.

12 Murua o matou hara, me matou hoki e muru nei i o te hunga e hara ana ki a matou.

13 Aua hoki matou e kawea kia whakawaia; engari whakaorangia matou i te kino. Nou hoki te rangatiratanga, te kaha, me te kororia, ake, ake. Amine.

14 Ki te whakarerea noatia iho hoki e koutou nga he o te tangata, ka whakarerea noatia iho ano o koutou e to koutou Matua i te rangi.

15 A, ki te kore e whakarerea noatia iho e koutou nga he o nga tangata, e kore ano e whakarerea noatia iho o koutou he e to koutou Matua.

Maori Bible (MAORI)

by Public Domain

Prev Day Prev Day
Top
Next Day Next Day