Revised Common Lectionary (Semicontinuous)

⁴ Διαιρέσεις δὲ χαρισμάτων εἰσίν, τὸ δὲ αὐτὸ πνεῦμα· ⁵ καὶ διαιρέσεις διακονιῶν εἰσιν, καὶ ὁ αὐτὸς κύριος· ⁶ καὶ διαιρέσεις ἐνεργημάτων εἰσίν, ^[a]ὁ δὲ ^[b]αὐτὸς θεός, ὁ ἐνεργῶν τὰ πάντα ἐν πᾶσιν. ⁷ ἑκάστῳ δὲ δίδοται ἡ φανέρωσις τοῦ πνεύματος πρὸς τὸ συμφέρον. ⁸ ᾧ μὲν γὰρ διὰ τοῦ πνεύματος δίδοται λόγος σοφίας, ἄλλῳ δὲ λόγος γνώσεως κατὰ τὸ αὐτὸ πνεῦμα, ^9 [c]ἑτέρῳ πίστις ἐν τῷ αὐτῷ πνεύματι, ^[d]ἄλλῳ χαρίσματα ἰαμάτων ἐν τῷ ^[e]ἑνὶ πνεύματι, ^10 [f]ἄλλῳ ἐνεργήματα δυνάμεων, ^[g]ἄλλῳ προφητεία, ^[h]ἄλλῳ διακρίσεις πνευμάτων, ^[i]ἑτέρῳ γένη γλωσσῶν, ^[j]ἄλλῳ ἑρμηνεία γλωσσῶν· ¹¹ πάντα δὲ ταῦτα ἐνεργεῖ τὸ ἓν καὶ τὸ αὐτὸ πνεῦμα, διαιροῦν ἰδίᾳ ἑκάστῳ καθὼς βούλεται.

¹² Καθάπερ γὰρ τὸ σῶμα ἕν ἐστιν καὶ μέλη ^[k]πολλὰ ἔχει, πάντα δὲ τὰ μέλη τοῦ ^[l]σώματος πολλὰ ὄντα ἕν ἐστιν σῶμα, οὕτως καὶ ὁ Χριστός· ¹³ καὶ γὰρ ἐν ἑνὶ πνεύματι ἡμεῖς πάντες εἰς ἓν σῶμα ἐβαπτίσθημεν, εἴτε Ἰουδαῖοι εἴτε Ἕλληνες, εἴτε δοῦλοι εἴτε ἐλεύθεροι, καὶ ^[m]πάντες ἓν πνεῦμα ἐποτίσθημεν.