Revised Common Lectionary (Semicontinuous)

¹⁷ Ang mga matanda sa iglesiya na nangangasiwang mabuti ay ibilang na karapat-dapat na tumanggap ng ibayong pagpapa­halaga, lalo na ang mga nagpapagal sa salita at sa pagtuturo. ¹⁸ Ito ay sapagkat sinabi ng kasulatan:

Huwag mong busalan ang baka habang gumigiik.

At ito rin ay nagsasabi:

Ang mga manggagawa ay karapat-dapat sa kani­­yang sahod.

¹⁹ Maliban sa dalawa o tatlong saksi ang magharap ng paratang laban sa matanda sa iglesiya, huwag mong itong tanggapin. ²⁰ Ang mga nagkakasala ay sawayin mo sa harapan ng lahat upang ang iba ay matakot.

²¹ Mahigpit kong ipinagtatagubilin sa iyo sa harapan ng Diyos at Panginoong Jesucristo at ng mga anghel na pinili ng Diyos: Ingatan mo ang mga tagubiling ito. Huwag kang humatol kaagad-agad. Huwag kang magtangi ng isang tao nang higit kaysa iba.

²² Huwag kang magmadali sa pagtatalaga ng sinuman sa pamamagitan ng pagpapatong ng iyong kamay. Huwag kang makibahagi sa mga kasalanan ng iba. Panatilihin mong dalisay ang iyong sarili.

²³ Huwag kang uminom ng tubig lamang. Dahil sa iyong sikmura at madalas mong pagkakasakit, gumamit ka ng kaunting alak.

²⁴ Ang mga kasalanan ng ilang tao ay hayag na nakikita, na nauuna pa sa kanila sa paghuhukom. Ang mga kasalanan naman ng ibang tao ay sumusunod sa kanila.