Revised Common Lectionary (Semicontinuous)

Dee 83 Psalm

En Leet. En Psalm von Asaf.

¹ O Gott, hool daut stellet nijch to die selfst; sie nijch oone Räd; sie nijch stel, O Gott..

² Dan see, diene Fiend doone brelle, un soone dee Die hause ha äa Kopp oppjehaeft.

³ Dee ha Rot jenomen jäajen dien Folk; dee ha jeplont jäajen diene festoakne.

⁴ Dee ha jesajcht: "Komt, wel wie dän aufschniede fonn ne Natsjoon to senne, soo daut dee Nome Iesrael niemols wada jebruckt woat."

⁹ Doo to am soo aus to Midian, soo aus to Sisera, soo aus to Jabin bie dän Stroom Kischon.

¹⁰ Dee worde fenijcht bie Endor; dee worde soo aus Mest fa dee Ead.

¹⁷ Lot an sikj schäme un fa emma Angst ha; jo, lot dän fewert senne, un omkome.

¹⁸ Un lot an weete – Dien Nome es Dee Herr Gott – daut Du auleen dee Aulahejchsta es äwa dee gaunse Ead.

2 Doaromm ha jie kjeene Entschuldjunk, jie Mensche, wan jie aundre rechte, wiel jie doone de naemlije Dinje dee jie enn aundre rechte, en fedaume junt selfst doamet.

² Wie weeta oba daut Gott sien Uadeel enn Woarheit es aun soone dee soont aungone.

³ En denkst du, du Mensch, daut wan du aundre rechte deist dee soont doone, oba daut naemlijet deist, daut du Gott sien Uadeel woascht febie jlepe?

⁴ Oda fe-achst du Gott siene rikje Leeftolichkjeit, en daut hee so goot to die es, uk siene groote Jedult, weetst oba nich daut hee die doaderch no de Buesse leide deit?

⁵ Oba doano aus dien hoadet en onnbuessfoadjet Hoat es, saumelst du fa die selfst Oaja jaejen daen Dag wan Gott sien Oaja woat jeoppenboat woare enn Gott sien jerachte Jerechtsdag,

⁶ dee en jiedrem woat doano fejelte aus siene Woakje sent;

⁷ daut eewjet Laewe fa dee, dee emm goodet doone aunhoole, en Harlichkjet, Ea, en daut waut nich fejenklich es, seake;

⁸ oba dee, dee no aeare eajne Ea seakje en de Woarheit nich jehuarsaum sent, en leewa de Onnjerachtichkjet jehuarsaum sent, - kjeene Jnod, en sien Oaja.

⁹ En jieda dee Beeset hinjaraun jeit, woat Triebsaul en Oaja habe, easchtens de Jude en uk de Grieche

¹⁰ Oba Ea, Harlichkjet, en Fraed fa aul daen, dee goodet doone, easchtens de Jude en uk de Grieche;

¹¹ wiels bie Gott es kjeen aunseene de Person.;