Revised Common Lectionary (Semicontinuous)
Nun
105 Dien Wuat es ne Laump to miene Feet, un en Lijcht to mien Stijch.
106 Ekj ha jeschwuare, un ekj doo daut bestädje, diene jerajchte Jerejchte to hoole.
107 Ekj sie seeha betriebt; O Herr Gott, jeff mie Läwe no dien Wuat no.
108 Bitte, O Herr Gott, nem daut frieweljet Opfa fonn mien Mul, un lea mie diene Jerejchte.
109 Mien Läwe es eegol enn miene Henj, un doch fejät ekj nijch dien Jesats.
110 Dee Gottloose ha ne Schlenj fa mie jelajcht, un doch waunde ekj nijch wajch fonn diene Fäaschrefte.
111 Ekj ha diene Zeijchnisse jeorwe fa emma; dan dee sent dee Freid fonn mien Hoat.
112 Ekj ha mien Hoat doahan jeboage diene Jeboote emma to doone bott daut Enj.
12 Waea oone Jesats jesindicht haft woat oone daut Jesats felore gone; waea em Jestats jesindicht haft woat derch daut Jesats jerecht woare;
13 dan nich dee, dee daut bloos heare sent fer Gott jeracht, oba dee, dee daut Jesats jehoole habe woare Jerachtfoadicht senne.
14 Dan dee Felkja dee daut Jesats nich ha, oba utem Jewesse daut doone waut daut Jesats sajcht, sent fa sikj selfst daut Jesats wan see daut uk nich ha,
15 en bewiese doamet daut dee Woakje fomm Jesats en aea Hoat jeshraewe es, en aeare Jewesse jaewe an Zeichness, en aeare Jedanke doone sikj unjarenaunda entwaeda beschuldje oda entschuldje,
16 aun daem Dach wan Gott woat Mensche aea Jeheemet rechte derch Jesus Christus sien Evanjeelium daut ekj jepraedicht hab.
Copyright © 2001 by Elmer Reimer