Revised Common Lectionary (Semicontinuous)

Dee 38 Psalm

En Psalm fonn Doft, tom nodenkje.

¹ O Herr Gott, doo mie nijch dodle enn dien Oaja; un doo mie nijch strofe enn dien Wut.

² Dan diene Feile sent enn mie enenn jesunke, un diene Haunt deit schwoa opp mie drekje.

³ Doa es kjeen Jesundet enn mien Fleesch wäajen dien Oaja, un kjeene Fräd enn miene Knoakes wäajen miene Sind.

⁴ Dan miene Sinde sent äwa mien Kopp jekome, soo aus ne Laust to schwoa fa mie.

⁵ Miene Wunnde sent foll Fefuldet wäajen miene Noarheit.

⁶ Ekj sie doljeboage, ekj sie seeha doljeboage; ekj go truarijch dän Dach äwa.

⁷ Dan miene Lende sent met daut Brenne jefelt, un doa es kjeen Jesundet enn mien Fleesch.

⁸ Ekj sie schwak un seeha febroake; ekj jul wäajen daut Stäne enn mien Hoat.

⁹ Mien Herr, aul mien Janke es fer die, un mien Sefte es nijch fonn die festoake.

¹⁰ Mien Hoat deit jesche, miene Krauft haft mie felote; un daut Lijcht fonn miene Uage es uk nijch bie mie.

¹¹ Miene Leefste un miene Frind stone wiet auf fonn miene Ploag, en miene Fewaunte stone wiet auf fonn mie.

¹² Un dee mien Läwe wele ommbrinje laje ne Schlenj; un dee mie Beeset aundoone wele, räde Fenijchte, un plone Lest dän gaunse Dach.

¹³ Oba soo aus eena dee Doof es, ekj hea daut nijch, un ekj sie soo aus en Stomma dee sien Mul nijch op moakt.

¹⁵ Dan mien Hop es enn die, O Herr Gott; Du woascht auntwuate, O Herr mien Gott.

¹⁶ Dan ekj säd: "Sest wudde see sikj äwa mie freihe; sest wan mien Foot jleppt, see sikj äwa mie feharlijche."

¹⁷ Dan ekj sie bottem faule, un miene Weedoag es emma bie mie.

¹⁸ Dan ekj woa miene Schult bekjane; ekj sie besorjcht äwa miene Sind.

¹⁹ Un miene Fiend sent losstijch un stoakj, un dee mie oone Uasoak hause sent em faulsche femeat;

²⁰ Un dee Beeset fejelte fa Goots, stone jäajen mie wiels daut Goots mie nofoljcht.

²¹ O Herr Gott, felot mie nijch! O mien Gott, sie nijch wiet auf fonn mie!

²² Doo mie schwind halpe, O mien Herr, miene Radunk.

1 Paul, Jesus Christus sien Apostel derch Gott sien Wele, en Timotaeaus onns Brooda, aun Gott siene Jemeent dee enn Korint es, uk aul dee Heilje enn Achaja;

² Jnod met junt, en Fraed fonn Gott onns Foda, en onns Herr Jesus Christus.

³ Jesaeajent es onns Herr Jesus Christus sien Gott en Foda, de Foda fonn waem aulet Erboarme kjemt, en Gott, fonn waem aula Troost kjemt,

⁴ dee onns treeste deit enn aul onns Aelend, soo daut wie daen treeste kjene dee enn Aelend sent, met daen Troost daen wie fonn Gott jekjraeaje ha.

⁵ Dan soo aus Christus sien Liede rikjlich enn onns es, soo es Troost uk rikjlich enn onns derch Christus.

⁶ Nu, wan wie enn Aelend sent, soo eset fa jun Troost en Heil; oda wan wie jetreest woare, eset junt uk tom troost, daut wirkjt doaderch daut jie jeduldich liede enn daut naemlijet waut wie liede.

⁷ Onnse Hopninj fa junt steit faust, dan wie weete daut, soo aus jie aundeel ha aun daut Liede, soo woa jie uk aun daen Troost.

⁸ Dan Breeda, wie wele nich daut jie nich weete sele fonn daen Triebsaul daen wie haude enn Asean, daut wie bute Mote bedreckt weare, daut wie soogoa aewa onns Laewe fetsoacht weare.

⁹ Wie ha daut Doodesuadeel enn onns jehaut, soo daut wie nich wudde fetruehe enn onns selfst ha, oba enn Gott, dee de Doodes oppwoakt;

¹⁰ dee onns fonn soon groota Doot jerat haft, en woat onns rade, enn daem wie hope daut hee onns uk noch secha wada rade woat;

¹¹ enn daem daut jie met onns oabeide em Jebaed, soo daut fael kjenne dankboa senne aewa onns fa dee Gow dee onns jejaeft es derch fael aere Jebaed.