Revised Common Lectionary (Semicontinuous)

⁶ Dien Troon, O Gott, es fa emma en emma; dee Stang fonn dien Rikj es dee Stang fonn diene Jerajchtijchkjeit.

⁷ Du hast Jerajchtijchkjeit leef, un deist Beeset hausse; doaromm woat Gott, dien Gott, die met dee Freid Eelj saulwe meeh aus diene Komrode.

⁸ Aul diene kjleede rikje fonn Mir un Saulweelj; ut dee Aulfensteen Paulauste, derjch woont dee die froo moake.

⁹ Kjeenijchs Dajchta sent mank dee Kjestlijche; dee Kjeenijin steit to diene rajchte Haunt, enn Golt fonn Ofir.

¹⁰ Horjch, O Dochta, un kjikj; un horjch, un fejat fonn dien eajnet Folkj un dien Foda sien Hus.

¹¹ En see doato daut dee Kjeenijch dien Straumet felange wudd; dan Hee es dien Herr un du saust am aunbäde.

¹² Un dee Tiarus Dochta met ne Gow; dee Rikje mank dee Felkja woare dien Gonnst seakje.

¹³ Dee kjeenijchlijche Dochta es seeha harlijch fonn benne, äare Kjleede sent met Golt jewäft.

¹⁴ See woat no däm Kjeenijch jeleit woare enn utjeneidet Woakj; dee Eentletsje dee äare Komrode sent woare no die jebrocht woare.

¹⁵ Dee woare jebrocht woare froo un schaftijch; dee woare enn däm Kjeenijch sien Paulaust enenn kome.

¹⁶ Diene Säns sele enn diene Fodasch äare Städ senne; du woascht dän Ferschte moake enne gaunse Ead.

¹⁷ Ekj woa dien Nome bekaunt moake enn aule Jeschlajchte; doaromm woare dee Felkja die fa emma en emma danke.

²³ Nu roop ekj Gott aun aus en Zeij aewa miene Laewe, daut, omm junt to schoone, ekj nich wada no Korint kjeem.

²⁴ Nich daut wie aewa jun Gloowe harsche, oba Metoabeide met june Freid, dan jie stone derch Gloowe.

2 Oba dit beschloot ekj mie, daut ekj nich wada enn Truarichkjeit wud no junt kome.

² Dan wan ekj junt truarich moak, waea wudd mie dan froo moake, bute dee, daen ek truarich muak?

³ Dit jrod schreef ekj junt, soo daut wan ekj kom, ekj nich wudd brucke truarich senne aewa daen dee mie sulle Freid brinje. En ekj ha daut toofetruehe enn junt aula, daut miene Freid uk june Freid es.

⁴ Dan ekj schreef junt met fael Aelend en Hoate Angst, en fael Trone, nich daut jie sulle Truarich senne, oba daut jie weete sulle woo groot miene Leew fa junt es.

⁵ Oba wan waea Truarich es, dee haft mie nich truarich jemoakt, oba tom Deel - daut ekj nich to fael saj - junt aula.

⁶ Fa soonem es dise Strof jenuach dee fonn de measchte jejaeft es worde,

⁷ aulsoo sull jie daem nu leewa fejaewe en treeste, daut dee nich derch groote Truarichkjeit to Grunnt kjemt.

⁸ Doaromm femon ekj junt daut jie am enn june Leew bestaedje.

⁹ Doaromm schreef ekj junt jrod, daut ekj junt oppe Proow stald, auf jie wudde enn aulem Jehaursaum senne.

¹⁰ Wautemma jie waem fejaewe, doo ekj uk; dan waut ekj fejaeft ha, wan ekj waut fejaeft ha, ha ekj daut jedone omm junet haulwe enn Christus,

¹¹ daut dee Soton nich en Jenotte aewa onns kjricht, dan wie sent bekaunt met sien Faeanaeme.