Revised Common Lectionary (Semicontinuous)

²⁴ का तुमन नइं जानव कि दऊड़ म जम्मो झन दऊड़थें, पर सिरिप एके झन ला इनाम मिलथे? एकरसेति अइसने दऊड़व कि तुमन ला इनाम मिलय। ²⁵ हर खिलाड़ी ह सिखे के समय म अपन-आप ला बहुंत अनुसासन म रखथे। ओमन एक नासमान मुकुट ला पाय बर, अइसने करथें, पर हमन तो ओ मुकुट ला पाय बर काम करथन, जऊन ह सदाकाल तक रहिही। ²⁶ एकरसेति, मेंह ओ मनखे सहीं नइं दऊड़ंव, जऊन ह बिगर कोनो उदेस्य के दऊड़थे; मेंह ओ मनखे सहीं नइं लड़ंव, जऊन ह हवा म मुक्‍का मारथे। ²⁷ पर मेंह अपन देहें ला तकलीफ देथंव अऊ एला अपन बस म रखथंव, ताकि आने मन ला परचार करे के बाद, मेंह खुद इनाम ले बंचित झन होवंव।

एक कोढ़ी के चंगई

(मत्ती 8:1-4; लूका 5:12-16)

⁴⁰ एक कोढ़ी मनखे ओकर करा आईस अऊ ओकर आघू म माथा टेकके बिनती करिस, “यदि तें चाहबे, त मोला बने कर सकथस।” ⁴¹ यीसू ह ओकर ऊपर तरस खाके अपन हांथ ला बढ़ाईस अऊ ओला छुके कहिस, “मेंह चाहत हंव कि तेंह बने हो जा।” ⁴² ओतकीच बेरा ओकर कोढ़ ह खतम हो गीस अऊ ओह बने हो गीस। ⁴³ यीसू ह ओला चेताके तुरते बिदा करिस अऊ ओेला कहिस, ⁴⁴ “एकर बारे म कोनो ला कुछू झन कहिबे, पर जाके पुरोहित ला देखा, अऊ कोढ़ीमन के बने होय के बारे म जइसने मूसा ह ठहराय हवय, वइसने बलिदान चघा, तब मनखेमन के आघू म तोर बने होय के गवाही होही।” ⁴⁵ पर ओह बाहिर जाके अपन चंगा होय के बारे म खुलके बताय लगिस, जेकर कारन, यीसू ह फेर नगर म खुल्लम-खुल्ला नइं जा सकिस; ओला नगर के बाहिर एकांत जगह म रहे पड़िस। तभो ले चारों कोति ले मनखेमन ओकर करा आवत रिहिन।