Revised Common Lectionary (Semicontinuous)

“महान सहर बाबूल ह अइसने बेरहमी ले फटिक दिये जाही,
    अऊ ओकर फेर कभू पता नइं चलही।
²² बीना बजइया, अऊ संगीतकार,
    बांसुरी बजइया अऊ तुरही बजइया मन के अवाज,
ए सहर म फेर कभू सुनई नइं पड़ही। कोनो काम के कोनो घलो कारीगर,
    ए सहर म फेर कभू नइं मिलही।
चक्‍की चले के अवाज,
    ए सहर म फेर कभू सुनई नइं पड़ही।
²³ दीया के अंजोर, ए सहर म फेर कभू नइं चमकही।
    दूल्हा अऊ दुल्हिन के अवाज,
ए सहर म फेर कभू सुनई नइं पड़ही।
    ए सहर के बेपारीमन संसार के बड़े मनखे रिहिन।
ए सहर ह अपन जादू के दुवारा जम्मो देस के मनखेमन ला बहकाय रिहिस।
²⁴ ए सहर म अगमजानी अऊ पबितर मनखे मन के लहू पाय गीस,
    अऊ धरती ऊपर जऊन मनखेमन मार डारे गीन, ओमन के लहू घलो ए सहर म पाय गीस।”