Revised Common Lectionary (Semicontinuous)
5 Èske Bondye janm di yon zanj:
“Ou se Pitit mwen.
Jodi a, se mwen ki Papa w?”[a]
Li pa janm di okenn zanj nonplis:
“M ap yon Papa pou ou
epi w ap yon Pitit pou mwen.”[b]
6 Poutan, lè Bondye te pou chwazi pou voye premye pitit gason l lan nan mond lan,[c] li di:
“Se pou tout zanj Bondye yo adore Pitit la.”[d]
7 Men sa li di pou zanj yo:
8 Poutan, men sa li di pou Pitit la:
“Bondye, wayòm ou an ap dire pou letènite.
Ou sèvi ak otorite w pou bay jistis.
9 Ou renmen sa ki dwat, ou rayi sa ki mal.
Se sa k fè Bondye, Bondye w la mete w apa,
li ba w plis kè kontan ak plis onè pase tout lòt kanmarad ou yo.”[g]
10 Men sa Bondye di ankò:
“O Letènèl, ou kreye latè nan kòmansman,
ou fè syèl la avèk men w.
11 Tout bagay sa yo gen pou yo disparèt, men ou menm, ou toujou la.
Yo gen pou yo vin ize tankou vye rad.
12 Ou gen pou w plwaye yo tankou yon manto,
ou gen pou w chanje yo menm jan moun chanje rad.
Men ou menm, ou p ap janm chanje,
epi lavi w p ap janm fini.”[h]
13 Bondye pa janm di okenn nan zanj yo:
14 Èske zanj yo se pa espri ki nan sèvis Bondye yo ye? Bondye voye yo pou vin ede moun ki gen pou resevwa delivrans lan.
Copyright © 2017 by Bible League International