Revised Common Lectionary (Semicontinuous)

⁸ Bib la di: “Renmen pwochen^[a] w menm jan ou renmen pwòp tèt ou.”^[b] Sa a, se lalwa k ap gouvène tout lòt lwa yo. Si ou fè sa, ou aji byen. ⁹ Men, si ou aji ak patipri, ou peche. Lalwa Bondye a kondane w, paske w dezobeyi l.

¹⁰ Nenpòt moun ki fè tout sa Lalwa mande, si li pa obeyi a kòmandman pou nou renmen pwochen nou yo, li vin koupab devant tout lalwa. ¹¹ Menm Bondye ki di: “Pa fè adiltè”^[c] a, se menm Bondye a ki di: “ou pa dwe touye moun.”^[d] Lè sa a, si ou pa komèt adiltè, men ou touye yon moun, se devan tout Lalwa ou koupab.

¹² Konsa, se pou n pale epi viv menm jan ak moun ki konnen yo pral jije l devan lalwa ki ban nou libète. ¹³ Paske lè jou jijman an va rive, p ap gen pitye pou moun ki pa gen pitye pou lòt moun yo. Men moun ki jwenn mezerikòd Bondye, li pa pè jou jijman an.