Revised Common Lectionary (Semicontinuous)

Yon dam fè lwanj pou Jezi

(Mak 14:3-9; Jan 12:1-8)

⁶ Pandan Jezi te Betani lakay Simon, mesye ki te gen maladi lèp la, ⁷ yon dam ki te gen yon boutèy pafen byen chè nan men l te pwoche bò kote Jezi, epi li vide pafen an sou tèt li pandan l t ap manje.

⁸ Lè disip yo wè sa, yo fache ak dam lan. Yo kòmanse ap di: “Pouki kalite gaspiyaj sa a? ⁹ Pafen sa a t ap vann yon bon ti kòb ki te ka ede anpil moun pòv.”

¹⁰ Jezi ki te konnen sa yo t ap di a, mande yo: “Poukisa n ap bay dam nan panik? Se yon bon bagay li fè pou mwen. ¹¹ N ap toujou gen pòv avèk nou,^[a] men nou p ap toujou genyen m avèk nou. ¹² Pafen dam nan vide sou mwen an, se prepare l ap prepare kadav kò m pou antèman apre m fin mouri. ¹³ An verite m ap di nou, kèlkeswa kote Bòn Nouvèl la preche nan lemonn, yo gen pou yo pale de aksyon sa a, epi moun ap sonje dam nan.”