◀ All Reading Plans / Revised Common Lectionary (Semicontinuous) / Acts 2:1-21 (Filled with the Spirit); or Numbers 11:24-30 (The spirit rests on Israel’s leaders); Psalm 104:24-34 35b (Renewing the face of the earth); 1 Corinthians 12:3b-13 (Varieties of gifts the same Spirit); or Acts 2:1-21 (Filled with the Spirit); John 20:19-23 (The Spirit poured out); or John 7:37-39 (Jesus the true living water) (Biblia Sacra Vulgata)

Prev Day

May 29, 1966

Next Day

Use the calendar to view readings from this devotional.

May 1966
Su	Mo	Tu	We	Th	Fr	Sa
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30	31

Return to today's reading

Revised Common Lectionary (Semicontinuous)

Daily Bible readings that follow the church liturgical year, with sequential stories told across multiple weeks.

Duration: 1245 days

Actus Apostolorum 2:1-21

2 Et cum complerentur dies Pentecostes, erant omnes pariter in eodem loco:

²et factus est repente de caelo sonus, tamquam advenientis spiritus vehementis, et replevit totam domum ubi erant sedentes.

³Et apparuerunt illis dispertitae linguae tamquam ignis, seditque supra singulos eorum:

⁴et repleti sunt omnes Spiritu Sancto, et coeperunt loqui variis linguis, prout Spiritus Sanctus dabat eloqui illis.

⁵Erant autem in Jerusalem habitantes Judaei, viri religiosi ex omni natione quae sub caelo est.

⁶Facta autem hac voce, convenit multitudo, et mente confusa est, quoniam audiebat unusquisque lingua sua illos loquentes.

⁷Stupebant autem omnes, et mirabantur, dicentes: Nonne ecce omnes isti qui loquuntur, Galilaei sunt?

⁸et quomodo nos audivimus unusquisque linguam nostram in qua nati sumus?

⁹Parthi, et Medi, et AElamitae, et qui habitant Mespotamiam, Judaeam, et Cappadociam, Pontum, et Asiam,

¹⁰Phrygiam, et Pamphyliam, AEgyptum, et partes Libyae quae est circa Cyrenen: et advenae Romani,

¹¹Judaei quoque, et Proselyti, Cretes, et Arabes: audivimus eos loquentes nostris linguis magnalia Dei.

¹²Stupebant autem omnes, et mirabantur ad invicem, dicentes: Quidnam vult hoc esse?

¹³Alii autem irridentes dicebant: Quia musto pleni sunt isti.

¹⁴Stans autem Petrus cum undecim, levavit vocem suam, et locutus est eis: Viri Judaei, et qui habitatis Jerusalem universi, hoc vobis notum sit, et auribus percipite verba mea.

¹⁵Non enim, sicut vos aestimatis, hi ebrii sunt, cum sit hora diei tertia:

¹⁶sed hoc est quod dictum est per prophetam Joel:

¹⁷Et erit in novissimis diebus, dicit Dominus, effundam de Spiritu meo super omnem carnem: et prophetabunt filii vestri et filiae vestrae, et juvenes vestri visiones videbunt, et seniores vestri somnia somniabunt.

¹⁸Et quidem super servos meos, et super ancillas meas, in diebus illis effundam de Spiritu meo, et prophetabunt:

¹⁹et dabo prodigia in caelo sursum, et signa in terra deorsum, sanguinem, et ignem, et vaporem fumi:

²⁰sol convertetur in tenebras, et luna in sanguinem, antequam veniat dies Domini magnus et manifestus.

²¹Et erit: omnis quicumque invocaverit nomen Domini, salvus erit.

Numeri 11:24-30

²⁴Venit igitur Moyses, et narravit populo verba Domini, congregans septuaginta viros de senibus Israel, quos stare fecit circa tabernaculum.

²⁵Descenditque Dominus per nubem, et locutus est ad eum, auferens de spiritu qui erat in Moyse, et dans septuaginta viris. Cumque requievisset in eis spiritus, prophetaverunt, nec ultra cessaverunt.

²⁶Remanserat autem in castris duo viri, quorum unus vocabatur Eldad, et alter Medad, super quos requievit spiritus. Nam et ipsi descripti fuerant, et non exierant ad tabernaculum.

²⁷Cumque prophetarent in castris, cucurrit puer, et nuntiavit Moysi, dicens: Eldad et Medad prophetant in castris.

²⁸Statim Josue filius Nun, minister Moysi, et electus e pluribus, ait: Domine mi Moyses, prohibe eos.

²⁹At ille: Quid, inquit aemularis pro me? quis tribuat ut omnis populus prophetet, et det eis Dominus spiritum suum?

³⁰Reversusque est Moyses, et majores natu Israel in castra.

Psalmi 104:24-34

²⁴Et auxit populum suum vehementer, et firmavit eum super inimicos ejus.

²⁵Convertit cor eorum, ut odirent populum ejus, et dolum facerent in servos ejus.

²⁶Misit Moysen servum suum; Aaron quem elegit ipsum.

²⁷Posuit in eis verba signorum suorum, et prodigiorum in terra Cham.

²⁸Misit tenebras, et obscuravit; et non exacerbavit sermones suos.

²⁹Convertit aquas eorum in sanguinem, et occidit pisces eorum.

³⁰Edidit terra eorum ranas in penetralibus regum ipsorum.

³¹Dixit, et venit coenomyia et ciniphes in omnibus finibus eorum.

³²Posuit pluvias eorum grandinem: ignem comburentem in terra ipsorum.

³³Et percussit vineas eorum, et ficulneas eorum, et contrivit lignum finium eorum.

³⁴Dixit, et venit locusta, et bruchus cujus non erat numerus:

Psalmi 104:35

³⁵et comedit omne foenum in terra eorum, et comedit omnem fructum terrae eorum.

I Corinthios 12:3-13

³Ideo notum vobis facio, quod nemo in Spiritu Dei loquens, dicit anathema Jesu. Et nemo potest dicere, Dominus Jesus, nisi in Spiritu Sancto.

⁴Divisiones vero gratiarum sunt, idem autem Spiritus:

⁵et divisiones ministrationum sunt, idem autem Dominus:

⁶et divisiones operationum sunt, idem vero Deus qui operatur omnia in omnibus.

⁷Unicuique autem datur manifestatio Spiritus ad utilitatem.

⁸Alii quidem per Spiritum datur sermo sapientiae: alii autem sermo scientiae secundum eumdem Spiritum:

⁹alteri fides in eodem Spiritu: alii gratia sanitatum in uno Spiritu:

¹⁰alii operatio virtutum, alii prophetia, alii discretio spirituum, alii genera linguarum, alii interpretatio sermonum.

¹¹Haec autem omnia operatur unus atque idem Spiritus, dividens singulis prout vult.

¹²Sicut enim corpus unum est, et membra habet multa, omnia autem membra corporis cum sint multa, unum tamen corpus sunt: ita et Christus.

¹³Etenim in uno Spiritu omnes nos in unum corpus baptizati sumus, sive Judaei, sive gentiles, sive servi, sive liberi: et omnes in uno Spiritu potati sumus.