Revised Common Lectionary (Semicontinuous)

⁶⁷ Zakariy, a ttata neˈẍ, noj tanmin tuˈn Xewbˈaj Xjan, ex ok ten yolil tuˈn, ex chiˈ kyjaluˈn:
⁶⁸     Kyˈiwlinxixjo tbˈi Dios te Israel, a tAjaw Tkyaqil,
quˈn ma tzul klol teˈ Ttanim.
⁶⁹     Ma tzaj tqˈoˈn jun Klolqe, a nimx toklin,
tzajnin tiˈj tyajiljo qtzan nmaq kawil David, a kubˈ niminte.
⁷⁰     Atziˈn luˈn a qˈumj ojtxe kyuˈn xjan yolil Tyol Dios, tej kyqˈma:
⁷¹     A tuˈn tel klonqe kye qajqˈoj ex kye aye kykyˈeˈx qiˈj;
⁷²     tuˈn ttzaj qˈaqˈin tkˈuˈj kyiˈjjo qyajil,
ex tuˈn mina tzˈel naje toj tkˈuˈj, a tumil xjanxix bˈant tiˈj tuˈn;
tuˈn kykyij Ttanim toj wen tukˈa.
⁷³     Ex atziˈn bˈant tiˈj tuˈn, ex tqˈma te Abraham, a qxeˈchil kyjaluˈn,
⁷⁴     tuˈn qel tkloˈn kye qajqˈoj,
ex tuˈn qajbˈin te tukˈa tkyaqil qanmin;
⁷⁵     tuˈn tkubˈ qbˈinchin qten jikyinxix toj tkyaqil qchwinqil twutz.
⁷⁶     Atziˈn te, mil: Yolil Tyol Dios teˈ tbˈi k‑okil,
    a Dios nimxix toklin.
    Quˈn ay kˈwel nej twutzjo Kolil qˈmalte tuˈn tkubˈ kybˈinchinxjal kyibˈ twutz.
⁷⁷     Kˈwel tnajsin Dios kyila,
    ex kchi kletila tuˈn, chkujiy kye.
⁷⁸     Quˈn a Dios tukˈa tqˈaqˈbˈil tkˈuˈj qiˈj, ktzajil tqˈoˈn jun tzaj toj kyaˈj tzeˈnku tqan qˈij,
⁷⁹     tuˈn tkˈant toj kychwinqiljo
ayeˈ nchi bˈet toj najin,
ex tuˈn tkubˈ nej qwutz toj tbˈeyil bˈaˈn.