Revised Common Lectionary (Complementary)

⁸ Oba donn aus jie Gott nich kjande, deend jie daen dee nich Jette fonn Natua sent.

⁹ Nu oba ha jie Gott kjanne leat; aenlich fael meeha, Gott haft sikj to junt bekaunt jemoakt. Woo go jie nu wada trig no dee schwake en oame Dinje, en wele daen wada from fresche deene?

¹⁰ Jie be-oobachte Doag, en Moonate, en Yoares Tiede, en Yoare.

¹¹ Ekj fercht mie aewa junt, auf ekj met eemol emmsonst mank junt jeoabeit ha.

¹² Breeda, siet soo aus ekj sie, dan ekj sie soo aus jie sent, ekj pracha junt. Jie ha mie kjeen Onnracht jedone.

¹³ En jie weete daut ekj daut easchte mol junt daut evanjeelium enn miene fleeschliche Schwakheit praedjd.

¹⁴ En june Feseakjunk enn mien Fleesch deed jie nich fe-achte, junt wea daut uk nich jaeajenaun, oba neeme mie aun aus en Enjel fonn Gott, soo aus Christus selfst.

¹⁵ Wua es nu dan dee Jlekseelichkjeit dee jie aewa mie haude? Dan ekj jaew junt Zeichness daut wanet wea maeajlich jewast, haud jie june eajne Uage utjeraete, en mie dee jejaeft.

¹⁶ Sie ekj nu dan jun Fient jeworde wiel ekj junt dee Woarheit jesajcht ha?

¹⁷ Jane sent seeha iewrich aewa junt, oba nich tom Goode; see wele junt utschlute, soo daut jie aewa an muchte iewrich senne.

¹⁸ Oba daut es emma goot, iewrich to senne enn daut Goodet, en nich bloos wan ekj bie junt sie.

¹⁹ Miene Kjinje! omm daen ekj wada Jeburtsweedoag lied bott Christus enn junt Jestault aunjenome haft.

²⁰ Ekj ha mie jewenscht wada bie junt to senne, en miene Stem to endre, dan ekj sie emm Twiewel aewa junt.