Revised Common Lectionary (Complementary)

Dee 124 Psalm

En leet fonn nehejcht gone, fonn Doft.

¹ Wan daut nijch wea jewast daut dee Herr Gott wea fa onns jewast. O mucht Iesrael saje;

² Wan daut nijch wea jewast daut dee Herr Gott wea fa onns jewast aus Mensche jäajen onns kjeeme,

³ Dan wudde dee onns oppjeschluckt habe, aus äa Oaja jäajen onns brennd.

⁴ Dan wudde dee Wotasch äwa onns jewosche ha; groote Wotasch wudde onnse Seel bedakjt habe.

⁵ dan wudde dee dolle Wotasch äwa onnse Seel jekome senne.

⁶ Jesäajent es dee Herr Gott dee onns nijch äwajeef aus Raup fa äare Täne.

⁷ Onnse Seel es ütjeretst soo aus en Foagel ut däm Jriepa siene Schlenj; dee Schlenj es entwei jebroake, un wie sent utjeretst.

⁸ Onnse Help es enn däm Herr Gott siene Nome, dee de Himmels un dee Ead jemoakt haft.

6 Waut sel wie dan doato saje? sel wie enne Sind wieda laewe? Mucht daut nich senne!

² Woo sel wie, dee wie to de Sind jestorwe sent, doa noch lenje benne laewe?

³ Weet jie nich daut waeaemma enn Jesus Christus jedeept es, es enn sien Doot jedeept?

⁴ Doaromm se wie met am derchem deepe emm Doot begroft, daut soo aus Christus fom Doot oppjewakjt wea derch daem Foda siene Harlichkjeit, so sull wie uk enn en niehet Laewe waundle.

⁵ Dan wan wie met am toop febunje sent enn dee Aenlichkjeit fonn sien Doot, so sel wie uk sennne enn sien oppstone fom Doot;

⁶ Wiel wie weete daut onns oola Mensch met am jekrietsicht es, daut dee Kajrpa fonn Sind mucht fenicht woare, daut wie nich meeha sulle de sind deene.

⁷ Dan waea de Sind jestorwe es, es fonn Sind Jeracht jemoakt.

⁸ Oba wan wie met Christus jestorwe sent, jleew wie daut wie uk met am laewe woare;

⁹ wiel wie weete daut Christus fomm Doot oppjestone es, niemols wada to stoawe; Doot haft kjeene macht aewa am.

¹⁰ Wiels enn daem daut hee storf, storf hee eemol fa Sind; en enn daem daut hee laeft, laeft hee fa Gott.

¹¹ Jrod soo raeakjent jie junt selfst Doot to senne de Sind jaeajenaewa, oba laewendich daut goodet jaeajenaewa derch Jesus Christus.