Revised Common Lectionary (Complementary)

Dee 32 Psalm

En Psalm fonn Doft - en Nodenkje.

¹ Jesäajent es dee, däm siene Äweträdunje jejäft sent, daem siene Sind bedakjt es.

² Jesäajent es dee Maun to wäm dee Herr Gott daut Beeset nijch tooräakjent, enn wäm sien Jeist doa kjeen Faulscheit es.

³ Aul ekj stel wea, worde miene Knoakes oolt derjch mien Juele dän Dach äwa.

⁴ Dan bie Dach un bie Nacht wea diene Haunt schwoa opp mie, mien Sauft wea enn dee Somma Dreajet fewaundelt. Selah.

⁵ Ekj deed miene Sind bekjane to die, un ekj ha miene Gottloosijchkjeit nijch festoakje; ekj säd, ekj woa miene Äweträdunj bekjane, un du fejeefst mie daut Beeset fonn miene Sind. Selah.

⁶ Fa dee Uasoak lot en jieda dee jetlijch es, to die bäde enn ne jefunjne Tiet; wan dee groote Äweschwamunje kome, woare dee nijch bott am reakje.

⁷ Du best miene Festäakj Städ, du deist mie oppbewoare fonn Trubbel; du deist mie ommrinje met Radunks Leede. Selah.

1 Paul, en Silwanus, en Timotaeus, aun dee Tessaloonicha Jemeent dee enn Gott onns Foda, en onns Herr Jesus Christus es:

² Mucht junt Jnod en Fraed fonn Gott onns Foda, en Jesus Christus onns Herr, jeschenkjt woare!

³ Wie sulle emma Gott dankboa senne fa junt, Breeda, soo auset uk sull senne, wiel jun Gloowe waust, en en jiedem siene Leew nemt emma too eena tom aundra, en to aulem;

⁴ Soo daut wie selfst fonn junt puche to Gott siene Jemeente fa jun Staunthauft enn jun Gloowe enn aul dee Fefoljunk, en daut Aelend, daut jie uthoole.

¹¹ Doaromm baed wie uk emma fa junt, daut onns Gott junt mucht fedeenstfol achte fa dee Beroopinj, en daut hee aulet Jefaule aun daut Goodet, en gloowes Oabeit enn Krauft mucht erfelle,

¹² Soo daut onns Herr Jesus sien Nome mucht enn junt feharlicht woare, en jie enn am, no onns Gott en Herr Jesus Christus siene Jnod.

19 En Jesus kjeem bott Jieriko en jinkj doa derch.

² Doa wea en Maun dee Sachaeaus heet, eena fonn dee faeaschte Takskollakjta, en hee wea rikj.

³ Hee wull Jesus seene, waea hee wea, oba kunn nich waeajen daut Follkj, dan hee wea mau kjleen jewosse.

⁴ Hee rand feropp en kroop opp en Mulbaeaboom enopp, so daut hee am wudd seene kjenne, dan Jesus sull doa boolt febie gone.

⁵ Aus hee bott doa kjeem, kjikjt Jesus nehecht en saed to am: "Sachaeaus, komm schwind rauf, dan fonndoag mott ekj bie die em Hus bliewe."

⁶ En hee kjeem schwind rauf, en neem am met Freid opp.

⁷ Oba aus dee aundre daut sage, murrde see en saede: "Hee es bie en Sinda enenn jegone aus Gaust."

⁸ En Sachaeaus stunt en saed: "Herr, kjikj; de halft fonn mien Hab en Goot jaew ekj de Oame, en wan ekj irjent waem onnrajcht beschuldicht ha, daut woa ekj feeha mol so fael trig tole."

⁹ Jesus saed to am: "Fonndoag es Heil no dit Hus jekome, sentamol hee uk Obraum sien Saen es.

¹⁰ Dan de Menschesaen es jekome daut felorne to seakje en rade."