Revised Common Lectionary (Complementary)

Yesu Amponya Asiyeona

(Mt 20:29-34; Lk 18:35-43)

⁴⁶ Kisha wakafika Yeriko. Yesu alipokuwa akiondoka mjini na wanafunzi wake pamoja na umati wa watu, Bartimayo mwana wa Timayo, ombaomba asiyeona, alikuwa amekaa kando ya barabara. ⁴⁷ Aliposikia kwamba huyo alikuwa ni Yesu wa Nazareti, alianza kupiga kelele na kusema, “Yesu Mwana wa Daudi, unihurumie!”

⁴⁸ Na watu wengi walimkemea na kumwambia anyamaze kimya. Lakini yeye alipiga kelele kwa sauti kubwa zaidi na kusema, “Mwana wa Daudi, unihurumie!”

⁴⁹ Kwa hiyo Yesu akasimama na kusema, “Hebu mwiteni.”

Nao wakamwita yule mtu asiyeona na kumweleza, “Jipe moyo mkuu! Inuka! Yesu anakuita.” ⁵⁰ Naye akalitupa joho lake, akaruka juu, na akamwendea Yesu.

⁵¹ Naye Yesu akamwambia, “Unataka nikufanyie nini?”

Yule mtu asiyeona akamwambia, “Mwalimu, nataka kuona tena.”

⁵² Hivyo Yesu akamwambia, “Nenda! Imani yako imekuponya.”^[a] Na mara akaweza kuona tena, na akamfuata Yesu barabarani.