Revised Common Lectionary (Complementary)

Tendereza Mukama ggwe emmeeme yange!

^2 (B)Nnaatenderezanga Mukama ennaku zonna ez’obulamu bwange;
    nnaayimbanga okutendereza Katonda wange nga nkyali mulamu.
^3 (C)Teweesiganga bafuzi,
    wadde abantu obuntu omutali buyambi.
^4 (D)Kubanga bafa ne bakka emagombe;
    ne ku lunaku olwo lwennyini, byonna bye baba bateeseteese ne bifa.
^5 (E)Yeesiimye oyo ayambibwa Katonda wa Yakobo;
    ng’essuubi lye liri mu Mukama Katonda we,
^6 (F)eyakola eggulu n’ensi
    n’ennyanja ne byonna ebirimu,
    era omwesigwa emirembe gyonna.
^7 (G)Atereeza ensonga z’abajoogebwa mu bwenkanya,
    n’abalumwa enjala abawa ebyokulya.
Mukama asumulula abasibe.
^{8     (H)}Mukama azibula amaaso ga bamuzibe,
era awanirira abazitoowereddwa.
    Mukama ayagala abatuukirivu.
^9 (I)Mukama alabirira bannamawanga,
    era ayamba bamulekwa ne bannamwandu;
    naye ekkubo ly’abakola ebibi alifaafaaganya.

^10 (J)Mukama anaafuganga emirembe gyonna,
    Katonda wo, Ayi Sayuuni, anaabanga Katonda wa buli mulembe.

Mutendereze Mukama!

¹¹ Omugagga alowooza nti mugezi,
    naye omwavu alina okutegeera, amunyooma.

^12 (A)Abatuukirivu bwe bawangula wabaawo okujaguza okw’amaanyi,
    naye abakakanyalira mu kukola ebikyamu bwe bafuna obuyinza abantu beekweka.

^13 (B)Oyo akweka ebibi bye, talifuna mukisa kukulaakulana,
    naye buli abyatula n’abireka, alisaasirwa.

¹⁴ Alina omukisa omuntu atya Mukama ebbanga lyonna,
    naye oyo akakanyaza omutima gwe abonaabona.

¹⁵ Ng’empologoma ewuluguma oba eddubu eritiisatiisa,
    bw’abeera omufuzi omubi atulugunya abateesobola.

¹⁶ Omufuzi nantagambwako tafuga na bwenkanya,
    naye oyo akyawa amagoba agafuniddwa mu bukyamu alibeera n’essanyu ery’obulamu obuwangaazi.

^17 (C)Omuntu alumirizibwa olw’okutta munne,
    alibeera mu kutegana okutuusa okufa,
    tewabanga n’omu amuyamba.

^18 (D)Omuntu atambulira mu bugolokofu alinunulibwa talibeerako kabi,
    naye oyo ow’amakubo amabi aligwa mbagirawo.

^19 (E)Omuntu alima ennimiro ye aliba n’emmere nnyingi,
    naye oyo ali mu birowoozo ebitaliimu alifa bwavu.

^20 (F)Omusajja omwesigwa aliweebwa emikisa mingi,
    naye oyo ayanguyiriza okugaggawala talirema kubonerezebwa.

^21 (G)Okuttira abantu ku liiso ng’osala emisango si kirungi,
    naye ate olw’okunoonya akookulya omuntu ayinza okuzza omusango.

^22 (H)Omusajja omukodo yeegomba okugaggawala,
    naye nga tamanyi nti obwavu bumulindiridde.

^23 (I)Oyo anenya omuntu, oluvannyuma aliganja,
    okusinga oyo awaaniriza n’olulimi.

^24 (J)Buli anyaga kitaawe, oba nnyina,
    n’agamba nti, “Si nsonga,” afaanana n’oyo azikiriza.

^25 (K)Omuntu ow’omululu aleeta oluyombo,
    naye oyo eyeesiga Mukama aligaggawazibwa.

^26 (L)Eyeesiga omutima gwe, musirusiru,
    naye oyo atambulira mu magezi alifuna emirembe.

^27 (M)Agabira abaavu talibaako ne kye yeetaaga,
    naye abakodowalira anaabanga n’ebikolimo bingi.

^28 (N)Abakozi b’ebibi bwe babeera mu buyinza, abantu beekweka,
    naye abakozi b’ebibi bwe bazikirira, abatuukirivu bakulaakulana.