Revised Common Lectionary (Complementary)

Dee 51 Psalm

To dän Haupt Musikaunt, en Psalm fonn Doft – Aus Natan dee Profeet no am kjeen no däm daut hee Fekjea haud jehaut met Batseeba.

¹ Sie jnädijch to mie O Gott, no dien Erboarme, no diene groote leeftolje Erboarmunje, doo miene Äweträdunje utlasche.

² Wausch mie gausentgoa fonn mien Beeset, un moak mie rein fonn miene Sind.

³ Dan ekj doo miene Äwträdunge bekjane; miene Sind es emma fer mie.

⁴ Jäajen die, un die auleen, ha ekj jesindijcht un Beeset jedone enn diene Uage; daut du muchst jerajchtfoadijcht senne wan du rätst, un kloa senne wan du rejchte deist.

⁵ See, ekj wort enne Sind jebuare, un miene Mutta deed mie enn Sind bejriepe.

⁶ See, du deist Woarheit felange enn daut ennalijchet, un enn daut festoakne deist du mie Weisheit leare.

⁷ Reinj mie met Iesopp, un ekj woa rein senne, wausch mie, un ekj woa witta senne aus Schnee.

⁸ Moak mie foll Freid un froo senne to heare, daut dee Knoakes dee du jebroake hast sikj freihe kjenne.

⁹ Festäakj dien Jesejcht fonn miene Sind, un doo aul miene Onnjerajchtijchkjeite utlasche.

¹⁰ Erschauf enn mie en reinet Hoat, O Gott; un doo en staunthauftja Jeist enn mie nie moake.

¹¹ Ekj sie de goode Hoad. Dee goode Hoad jeft sien laewe fa de Schop.

¹² De Kjnacht rant wach, wiel hee en Kjnacht es, en nich de Hoad, en dee Schop nich eajent; hee sit daen Wulf kome en felat de Schop en stakjt ut; en de Wulf festreit dee Schop.

¹³ Dee Kjnacht rant wajch wiel hee en Kjnacht es en jeft nich waut dromm um dee Schop.

¹⁴ Ekj sie dee goode Hoad en kjann miene Schop, en dee mienje kjanne mie.

¹⁵ Soo aus de Foda mie kjannt, soo kjann ekj uk daem Foda, en ekj laj mien laewe dol fa de Schop.

¹⁶ En ekj hab uk noch aundre Schop waut nich fonn dise Haead sent, dee mott ekj uk brinje, en dee woare miene Stem heare, en doa woat eene Haead senne en een Hoad.

¹⁷ Doaromm haft mien Foda mie leef, wiel ekj mien Laewe han laj daut ekj et wada opp naem.

¹⁸ Kjeena nemt daut fonn mie wajch, oba ekj laj daut ut mie selfst dol. Ekj ha dee Follmacht daut han to laje, en ekj ha dee Follmacht daut wada opp to naeme. Dis Befael hab ekj jekjraeaje fonn mien Foda."

¹⁹ Doawaejen wea doa wada ne onneenichkjeit mank de Jude waeajen siene Raed.

²⁰ En faele fonn an saede: "Hee haft enn beese Jeist en es rosent; wuaromm horch jie no am?"

²¹ Aundre saede: "Dit sent nich Wead dee soone raet dee fonn en beese Jeist besaete es. Kaun en beese Jeist enn Blinja siene Uage opmoake?"