Revised Common Lectionary (Complementary)

Dee 112 Psalm

¹ Preis däm Herr Gott! Jesäajent es dee Maun dee däm Herr Gott ferjchte deit, dee sikj enn siene Jeboote fejneaje deit.

² Sien Some saul majchtijch senne oppe Ead; dee opprajchte äare Jennerazion saul jesäajent senne;

³ Hab un Goot woat enn sien Hus senne; un siene Jerajchtijchkjeit blift fa emma.

⁴ Doa kjemt Lijcht enn dee Diestanis to dee Opprajchte; Hee es jnädijch un foll Metleet un Jerajchtichkjeit.

⁵ Dee Maun dee Gonnst wiese deit un utliehe deit es Goot; hee woat dee Sache Noarunk jäwe met Äwareenet.

⁶ Dan hee woat niemols jescheddat woare; dee Jerajchte sele fa emma enn Aunjedenkj senne.

⁷ Hee woat sikj nijch engste fa beese Norejcht; sien Hoat es bestädijcht, hee fetruet sikj enn däm Herr Gott.

⁸ Sien Hoat es nehejcht jehoole, hee woat sikj nijch engste, bott hee siene Fiend sit.

⁹ Hee haft festreit; hee haft to dee Bederftje jejäft, siene Jerajchtijchkjeit blift fa emma; sien Huarn saul met Ea oppjehäft woare.

¹⁰ Dee Beese sele daut seene un festimmelt senne; hee woat met dee Täne gnorsche un feschmelte; dee Beese äa Janka saul feschwinje.

⁶ En Noa siene Leppe doone striede, jo, sien Mul roopt fa en Sträakj.

⁷ En Noa sien Mul es sien Fenijchte, un siene Leppe sent dee Schlenj fa siene Seel.

⁸ En Klotjedroaga siene Wead sent soo aus ne Wund; jo, dee gone rauf no daut bennaschte fonn daut Hoat.

⁹ Un wäa ful es enn siene Oabeit, es en Brooda to däm dee fenijchte deit.

¹⁰ Däm Herr Gott sien Nome es en stoakje Torm fonn Macht; dee Jerajchta rant doa enenn, un es nehejcht jestalt.

¹¹ Däm rikja Maun sien Rikjdom es siene stoakje Staut; un aus ne huage Waunt enn sien Ennbilniss.

¹² Fer Fenijchte es en Maun sien Hoat stolt; oba Deemoot kjemt fer Ea.

⁷ Oba daut Enj fa aules es dicht bie jekome. Doaromm siet nichta, en hoolt aun em Jebaed.

⁸ Aewa aules oba hat iewrije Leew eena tom aundre, wiels Leew dakjt fael Sinde too.

⁹ Siet oppnaement eena tom aundra oone doaraewe to kloage.

¹⁰ So aus en Jiedra ne Goow jekjraeaje haft saul hee dee brucke eena daem aundra to deene so aus goode Fewaulte Gott siene Jnod jaejenaewe;

¹¹ Wan waea raet, saul hee raede so aus wan hee Gott sien Wuat raet; wan waea deent, so aus bie dee Krauft dee Gott jeft, daut Gott en aule Dinje mucht feharlicht woare derch Jesus Christus; am jeheat aule Harlichkjet en Macht enn aule Eewichkjeit. Amen!