◀ All Reading Plans / Revised Common Lectionary (Complementary) / Psalm 33:12-22 (Let your loving kindness be upon us); Job 21:1-16 (The rich blessed with children despise God); Romans 9:1-9 (True descendants of Abraham) (Nepali Bible: Easy-to-Read Version)

Prev Day

August 7, 2025

Next Day

Use the calendar to view readings from this devotional.

August 2025
Su	Mo	Tu	We	Th	Fr	Sa
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30
31

Return to today's reading

Revised Common Lectionary (Complementary)

Daily Bible readings that follow the church liturgical year, with thematically matched Old and New Testament readings.

Duration: 1245 days

भजनसंग्रह 33:12-22

¹²परमप्रभु जुन मानिसहरूको परमेश्वर स्वरूप हुनुहुन्छ, तिनीहरू सौभाग्यशाली हुन्छन्।
    किनभने परमेश्वरले तिनीहरूलाई उहाँको आफ्नै खास मानिसहरू सरह रोज्नु भएकोछ।
¹³परमप्रभुले स्वर्गबाट तल हेर्नु भयो
    अनि उहाँले सारा मानिसहरूलाई देख्नु भयो।
¹⁴उहाँले उच्च-आसनबाट
    तल पृथ्वीमा बाँचिरहेका सारा मानिसहरूलाई हेर्नु भयो।
¹⁵परमेश्वरले प्रत्येक मानिसको रचना गर्नुभयो।
    परमेश्वर तिनीहरूले के सोच्दछन् जान्नुहुन्छ।
¹⁶कुनै पनि राजा आफ्नो महान् शक्तिद्वारा बाँच्दैन।
    कुनै पनि बलियो सिपाही उसको महान् बलबाट बाँच्दैन।
¹⁷घोडाहरूले साँच्चै लडाइँमा विजय ल्याउँदैनन्।
    तिनीहरूका बलले तिनीहरूलाई वास्तवमा भाग्न सहायता गर्न सक्दैन।
¹⁸परमप्रभुले हेर्नुहुन्छ साथै हेरचाह गर्नुहुन्छ तिमीहरूमध्ये जसले उहाँलाई मान्दछन्।
    जसले उहाँलाई सम्मान् गर्छ उहाँ महान् प्रेमले, मानिसहरूको रक्षा गर्नुहुन्छ।
¹⁹परमेश्वरले ती मानिसहरूलाई मृत्युबाट बचाउनु हुन्छ।
    जब तिनीहरू भोका हुन्छन् उहाँले तिनीहरूलाई बल दिनुहुन्छ।
²⁰यसैले हामी आशा लिएर परमप्रभुलाई पर्खनेछौं।
    उहाँले हामीलाई साथ दिनुहुन्छ र रक्षा गर्नुहुन्छ।
²¹परमेश्वरले हामीलाई खुशी पार्नु हुन्छ,
    हामी साँच्चै उहाँको पवित्र नाउँमा भरोसा गर्छौं।
²²हे परमप्रभु, हामी साँच्चो मनले तपाईंलाई पूज्दछौं।
    यसर्थ हामीलाई तपाईंको महान् प्रेम दर्शाउनुहोस्।

अय्यूब 21:1-16

अय्यूबले जवाफ दिन्छन्

21 तब अय्यूबले जवाफ दिएः

²“म के भन्छु सुन,
मलाई सान्तवना दिने तिम्रो त्यही तरिका रहोस्।
³जब म बोल्दछु, धैर्य राख्नु
मैले बोलिसके पछि तिमीहरूले मेरो खिल्ली उडाउन सक्छौ।

⁴“म मानिसहरूका विरूद्ध गुनासो गर्ने होइन,
    त्यहाँ राम्रो कारण छ किन म धैर्य रहिनँ।
⁵म प्रति हेर अनि शोकले आघात बन
    तिम्रो हात मेरो मुखमा राख,
    अनि शोकले आघात भएको आँखाले मलाई हेर।
⁶जब मलाई के भएको थियो भनी सोच्छु
    मलाई डर लाग्छ अनि मेरो शरीर काम्छ।
⁷किन पापीहरू दीर्धायु हुन्छ?
    किन तिनीहरू बूढा हुन्छन र सफल हुन्छन?
⁸दुष्टहरूले आफ्ना छोरा-छोरीहरू आफूसितै हुर्केको देख्छन
    र आफ्ना नाति-नातिनीहरू हेर्न धेरै बाँच्छन्।
⁹तिनीहरूका घरहरू सुरक्षित छन् अनि तिनीहरू भयभीत छैनन्।
    परमेश्वरले ती दुष्टहरूलाई दण्ड दिनलाई लट्ठी प्रयोग गर्नुहुन्न।
¹⁰तिनीहरूका साँढे प्रजनन क्रियामा कहिले चुक्दैनन्।
    तिनीहरूका गाईहरूले बाछीहरू ब्याउँछन् अनि तुहिदैनन्।
¹¹दुष्टहरूले आफ्नो नानीहरूलाई भेंडाका पाठाहरू जस्तै बाहिर खेल्न दिन्छन।
    तिनीहरूका नानीहरू वरिपरि नाँच्छन्।
¹²तिनीहरू वीणा र बासुरीको धुनमा गाउँछन र नाँच्छन्।
¹³दुष्टहरूले आफ्नो जीवन कालमा सफलता भोग्दछन्।
    त्यसपछि तिनीहरू मर्छन् अनि कुनै पीडाबिना आफ्नो चिहानतिर जान्छन्।
¹⁴तर दुष्टहरूले परमेश्वरलाई भन्छन्, ‘हामीलाई एक्लो छाडी दिनुहोस्।
    हामी तपाईंका मार्ग जान्ने इच्छा गर्दैनौं।’
¹⁵अनि दुष्टहरूले भन्छन्, ‘सर्वशक्तिमान परमेश्वर को हो?
    हामीलाई उसको सेवा गर्ने खाँचो छैन।
    उसलाई प्रार्थना गरेर हामीले के पाउँछौ?’

¹⁶“यो सत्य हो, दुष्टहरूले आफ्ना सफलताहरू आफैं बनाउँदैनन्,
म तिनीहरूको परार्मशको पछि लाग्दिन।

रोमी 9:1-9

परमेश्वर र यहूदी मानिसहरू

9 म ख्रीष्टमा छु र सत्य कुरा बोलिरहेछु। म झूटो बोल्दिनँ। मेरो अन्तारात्मा पवित्र-आत्माद्वारा नियंत्रित छ। अनि यो अन्तरात्माले निश्चित गर्छ कि म झूटो होइनः ²मलाई ठूलो अफसोस छ र मेरो हृदयमा अटुट वेदना छ यहूदी जातिको निम्ति। ³तिनीहरू मेरा दाज्यू-भाइ दिदी-बहिनीहरू हुन्, पृथ्वीमा मेरा सन्तानहरू हुन्। यदि यसले तिनीहरूलाई सहायता गर्न सक्थे भने म ख्रीष्टबाट श्राप पाउन र उहाँसित छुट्टिनें पनि इच्छा गर्थें। ⁴तिनीहरू इस्राएलका मानिसहरू हुन्। जसलाई परमेश्वरले आफ्नो सन्तान बनाउन चुन्नु भएको छ। तिनीहरूसँग परमेश्वरको महिमा र उहाँ अनि उहाँका मानिसहरू माझमा करार छ। परमेश्वरले उनीहरूलाई आराधाना र संकल्प गर्ने तरिका भएको मोशाको व्यवस्था दिनुभयो। ⁵ती मानिसहरू हाम्रा पुर्खाहरूका सन्तानहरू हुन्। अनि तिनीहरू ख्रीष्टका पार्थिव परिवार हुन्। ख्रीष्ट सबै प्राणीहरू माथिका परमेश्वर हुनुहुन्छ। सदा उहाँको प्रशंसा गर! आमिन।

⁶हो, म यहूदीहरूको लागि दुःख अनुभव गर्छु। म भन्दिनँ कि परमेश्वर उनीहरूको लागि आफ्नो प्रतिज्ञा राख्नमा चुक्नु भयो। तर इस्राएलका कतिपय मानिसहरू मात्र परमेश्वरका साँच्चो मानिस छन्। ⁷अनि अब्राहामका सन्तानहरू मध्ये थोरै मात्र अब्राहामको साँच्चो सन्तान थिए। यही कारण परमेश्वरले अब्राहामलाई भन्नुभयो: “इसहाक मात्र खालि कानूनी छोरो हुनेछ।”^(A) ⁸यसले बताउँछ अब्राहामका सबै सन्तानहरू परमेश्वरका खास छोरा-छोरीहरू होइनन्। परमेश्वरले अब्राहामलाई प्रतिज्ञाको आधारामा अब्राहामका खास छोरा-छोरीहरू ती हुन् जो परमेश्वरका छोरा-छोरीहरू भए। ⁹परमेश्वरले अब्राहमलाई यो प्रतिज्ञा दिनुभएको थियोः “निश्चित समयमा म फर्कने छु अनि साराले एउटा छोरो पाउनेछिन्।”^(B)

Nepali Bible: Easy-to-Read Version (ERV-NE)