Revised Common Lectionary (Complementary)

Dee 8 Psalm

To däm haupt Musikaunt opp Jittit, en Psalm fonn Doft.

¹ O Herr Gott onns Herr, woo Madastijch es dien Nome enne gaunse Ead; du hast diene Harlijchkjeit hejcha jestalt aus dee Himels!

² Ut dee Bäbes un soone aune Brosst äare Miele hast du Macht ennjeordent wäajen diene Fiend, soo daut dee Fient un dee Racheewa nojäwe motte.

³ Wan ekj mie äwa diene Himels, daut Woakj fonn diene Finjasch bedenkje doo, dee Mon un dee Stearns dee du bestädijcht hast;

⁴ Waut es dee Mensch daut du aun am denkje susst, un dee Säns fonn Mensche daut du dän beseakje susst?

⁵ Dan du hast am en bät läaje jemoakt aus Gott; un hast am met Harlijchkjeit un Ea jekroont.

⁶ Du hast am dee Harschoft jejäft äwa daut Woakj fonn diene Henj, du hast aules unja siene Feet jestalt -

⁷ Aule Schop un Osse, un uk dee Tiare emm Flekj,

⁸ dee Fäajel enne Lofft un dee Fesch em See, aule dee derjch dän See-stijch schwame.

⁹ O Herr Gott, onns Herr, woo Madastijch es dien Nome enne gaunse Ead!

¹⁹ Dee Herr Gott haft dee Ead jejrint derjch Weisheit; Hee deed dee Himmels jrinde derjch Festentnis;

²⁰ Daut deepet es oppjebroake derjch Siene Wissenschoft; un dee Wolkje lote dän Deiw rauf faule.

²¹ Mien Sän, lot dee nijch fonn diene Uage wajch gone; hool jesunde Weisheit un Jerejcht;

²² un dee selle Läwe senne to diene Seel, un Jnod to dien Jnekj;

²³ dan woascht du sejcha enn dien Wajch gone, un dien Foot woat nijch stolpre.

²⁴ Wan du die dol lajchst, woascht du nijch Angst habe; jo, du woascht die dol laje un dien Schlop woat seet senne.

²⁵ Ha nijch Angst fonn haustjet Schrakj; oda fonn dee Beese äa Fenijchte wan daut kjemt.

²⁶ Dan dee Herr Gott woat bie diene Sied senne; un Hee woat dien Foot bewoare fonn jejräpe woare.

4 Ekj sie daem Herr sien Jefangne, doaromm pracha ekj junt dringent daut jie so laewe dautet stemt met dee Beroopinj met dee jie beroope sent,

² met folle Deemut en Saunftmoot, met Jedult, en fedroacht eena daem aundra enn Leew,

³ en bemeacht junt dee Eenichkjet em Jeist to hoole daut enne Fraed toop jebunge es. Doa es een Lief en een Jeist,

⁴ soo aus jie uk beroope weare enn eene Hopninj enn dee jie beroope sent;

⁵ een Herr, een Gloowe, eene Taufe;

⁶ een Gott en Foda aewa aules, dee aewa aules, en derch aules, en enn aules es.