Revised Common Lectionary (Complementary)

⁵ हे परमप्रभु, तपाईंको स्नेहपूर्ण करूणा आकाश भन्दा पनि उच्च छ।
    तपाईंको विश्वसनीयता बादलहरूभन्दा पनि उच्च छ।
⁶ परमप्रभु, तपाईंको धार्मिकता सर्वोच्च पर्वत भन्दा पनि उच्च छ।
    तपाईंको न्याय अगाध समुद्र भन्दा गहिरो छ।
परमप्रभु, तपाईंले मानिसहरू र पशुहरूलाई रक्षा गर्नुहुन्छ।
⁷     तपाईंको प्रिय अनुग्रह भन्दा कुनै चीज पनि बहुमूल्य छैन।
    मानिस जाति र स्वर्गदूतहरू तपाईंकहाँ सुरक्षाको निम्ति आउँछन्।
⁸ परमप्रभु! तिनीहरू तपाईंको घरमा राम्रो चीजहरूबाट नयाँ शक्ति पाउँछन्।
    तपाईंको आश्चर्यपूर्ण नदीबाट तिनीहरूलाई पिउन दिनु हुन्छ।
⁹ हे परमप्रभु! जीवनको स्रोत तपाईंबाट बहन्छ!
    तपाईंकै ज्योतिबाट हामी ज्योति पाउँछौं।
¹⁰ हे परमप्रभु, तिनीहरूलाई प्रेम गर्नुहोस् जसले तपाईंलाई साँच्चो रूपले चिन्छन्
    अनि जो विश्वासी छन् तिनीहरूको लागि असल काम गरिदिनु होस्।

²² “हे अविश्वासि छोराहरू हो, मकहाँ फर्की आऊ।
    तिमीहरूको विश्वासहीनता म हटाइदिनेछु।”

“मानिसहरूले भन्नै पर्छ, ‘हामी तपाईं कहाँ आउँदैछौं,
    तपाईं परमप्रभु हाम्रो परमेश्वर हुनुहुन्छ।
²³ डाँडाहरूमाथि मूर्ति पूज्न एउटा मूर्खता थियो।
    पर्वतमा होहल्ला गर्ने दलहरू सबै गल्ती थिए।
निसन्देह इस्राएलको उद्धार
    परमप्रभु परमेश्वरबाट आउँछ।
²⁴ हामीहरू युवास्था देखि नै झूटो देवताले
    हाम्रा पिता-पुर्खाहरूको सम्पत्ति नष्ट पारिदिए।
तिनीहरूका भेंडा़, गाई-गोरूका बथानहरू
    अनि छोरा छोरीहरू पनि लगिदिए।
²⁵ आफ्नौ लाजले हामी डुबौं
    अनि हामीलाई अपमानले छोपोस्।
किनभने हामीले परमप्रभु हाम्रो परमेश्वरको विरूद्ध पाप गर्यौं।
    हाम्रा पिता-पुर्खाहरूले पाप गरे,
अनि हाम्रो बाल्यकालबाट अहिले सम्म हामीले
    हाम्रा परमप्रभु परमेश्वरको आज्ञा पालन गरेका छैनौं।’”