Revised Common Lectionary (Complementary)

¹² Preis däm Herr Gott, O Jerusalem; preist jun Gott, O Zion.

¹³ Dan Hee haft dee Stange fonn june Puate stoakj jemoakt; Hee haft diene Säns enn die jesäajent.

¹⁴ Hee moakt Fräd enn diene Jrense, Hee moakt die tofräd met daut Fattet fomm Weit.

¹⁵ Hee schekjt sien Aunkommendeare rut opp dee Ead; siene Wead ranne pienijch.

¹⁶ Hee jeft Schnee soo aus Woll; Hee festreit dän witta Frost soo aus Ausch.

¹⁷ Hee schmitt sien Ies rut soo aus Kjreemle; wäa kaun bestone fer siene Kold?

¹⁸ Hee schekjt sien Wuat rut un deit dee schmelte; Hee moakt sien Wint to blose, un dee Wotasch rane.

¹⁹ Hee jeft sien Wuat to Joakopp; siene Fäaschrefte un siene Jerejchte to Iesrael.

²⁰ Hee haft nijch soo jedone to irjent ne Nazion; un dee ha siene Jerejchte nijch jewist. Preist däm Herr Gott.

¹² Donn raed Jesus wada to an: "Ekj sie daut Licht fa de Welt: dee waut mie nofoljcht woat, woat nich em Diestra gone, oba woat daut Laeweslicht habe."

¹³ Donn saede dee Farisaea to am: "Du jefst Zeichnes fonn die selfst, dien Zeichnes es nich Woa."

¹⁴ Jesus auntwuad en saed to an: "Wan ekj uk fonn mie selfts zeije doo, es mien Zeichnes doch Woa, wiel ekj weet fonn wua ekj kom en weet uk wua ekj han go; oba jie weete nich fonn wua ekj kom, uk nich wua ekj han go.

¹⁵ Jie rechte no Mensche Jedanke, ekj recht kjeenem.

¹⁶ En doch, wan ekj rechte doo, es mien Uadeel rajcht; wiel ekj sie nich auleen - mien Foda dee mie jeschekjt haft en ekj sent toop.

¹⁷ Sogoa en jun Jesats steit jeswchraewe daut wan twee Mensche Zeichnes jaewe es et Woarheit.

¹⁸ Ekj sie eena dee fonn mie Zeichnes jeft, en de Foda dee mie jeschekjt haft, jeft uk Zeichnes fonn mie.

¹⁹ Donn saede see to am: "Wua es dien Foda?" Jesus auntwuad: "Jie kjanne mie nich, uk nich mien Foda. Wan jie mie kjannde dan wudd jie mien Foda uk jekjannt habe."