Revised Common Lectionary (Complementary)

Dee 147 Psalm

¹ Preis däm Herr Gott; dan daut es goot Preis to sinje to onns Gott; wiels Preis es fejneajcht un aunjenäm.

² Dee Herr Gott deit Jerusalem oppbuhe; Hee saumelt dee rutjedrengde fonn Iesrael toop.

³ Hee heelt dän dee en jebroaknet Hoat habe, en binjt äare Sorj opp.

⁴ Hee bestemmt daut Numma fonn dee Stearns; Hee nant dee aule bie Nome.

⁵ Onns Herr es Groot un foll groote Macht; doa es kjeene Jrens to sien Festentnis.

⁶ Dee Herr Gott deit dee Bedrekjte äare Laust leijchta moake; Hee schmitt dee Beese dol no de Ead.

⁷ Sinjt to däm Herr Gott met Danksagunk, sinjt Preise to Gott opp ne Jittoa,

⁸ Dee de Himmels bedakjt met Wolkje; dee Räajen reed moakt fa dee Ead, dee daut Grauss wausse moakt.

⁹ Hee jeft dee Tiare äa Äte, to dee junje Krauge dee schriehe.

¹⁰ Hee haft kjeen Fejneaje enn en Piat siene Macht; un kjeen Fejneaje enn en Maun siene Been.

¹¹ Dee Herr Gott haft Fejneaje enn dän dee Am ferjchte; soone dee enn sien Erboarme hope.

²⁰ Hee haft nijch soo jedone to irjent ne Nazion; un dee ha siene Jerejchte nijch jewist. Preist däm Herr Gott.

9 Sie ekj nich frie? Sie ekj nich en Apostel? Ha ekj nich onns Herr Jesus jeseene? sen jie nich miene Oabeit em Herr?

² Wan ekj to aundre nich en Apostel sie, doch seche sie ekj to junt: dan jie sent emm Herr mien Saeajel fa daut Apostelaumt.

³ Miene Auntwuat to daen dee mie unjaseakje es dit:

⁴ Ha wie nich Macht to aete en drinkje?

⁵ Ha wie nich Macht ne Sesta oda ne Fru mettohabe, so aus dee aundre Apostel, en daem Herr siene Breeda, en uk Seefas?

⁶ Oda bloos ekj en Barnabas, ha wie nich dee Macht nich to oabeide?

⁷ Waea jeit aus en Soldot aun sien eajnet Loon? waea plaunt en Wiengoade en at nich de Frucht doafonn? oda waea haft ne Haead en at nich fonn dee Malkj fonn dee Haead?

⁸ Ekj saj dit nich bloos soo aus en Maun, sajcht daut Jesats nich uk soo?

⁹ Dan enn Mooses sien Jesats steitet jeschraewe: "Du saust nich daem Oss en Mulkorf oppsate wan dee drascht". Sorcht Gott fa dee Osse?

¹⁰ Oda sajcht hee daut omm onnset haulwe? daut es omm onnset haulwe jeschraewe, daut waea pleacht, saul enn Hopninj pleaje, en waea drascht, enn Hopninj daut hee doafonn kjriehe woat.

¹¹ Wan wie jeistlichet enn junt jeseit ha, esset dan soon grootet wan wie fonn junt natearlichet arnte?

¹² Wan aundre daut Macht ha daut fonn junt to kjriehe, sull wie nich leewa? Oba wie nuttste dise Macht nich ut, oba fedroage aules so daut doa kjeen Hindaness wudd senne fa Christus sien Evanjeelium.

¹³ Weet jie nich daut dee, dee daut Heiljet bedeene, doafonn aete, en dee biem Aultoa deene, en Poat fonn daut kjriehe?

¹⁴ Aulso haft Gott bestemt daut dee, dee daut Evanjeelium praedje, doafonn laewe sele.

¹⁵ Oba ekj ha fonn dise Dinje nich Jebruk jemoakt. En ekj ha dit nich jeschraewe doaropp dautet fa mie soo sull senne; dan ekj wudd leewa stoawe aus daut waea miene Raed sull fenichte.

¹⁶ Dan wan ekj daut Evanjeelium praedj, ha ekj nusscht to puche; dan mie es daut en Muss; nich bloos daut, wee mie wan ekj daut Evanjeelium nich praedj.