Revised Common Lectionary (Complementary)

95 आऊ, परमप्रभुको गुण-गान गरौं।
    चट्टान प्रति, ठूलो स्वरमा गुण-गान गरौं जसले हामीलाई बचाउँनु भयो।
² परमप्रभु प्रति धन्यवादको गीत गाऊ।
    उहाँप्रति आनन्दमय प्रशंसाको गीत गाऊ।
³ किनभने परमप्रभु नै महान् परमेश्वर हुनुहुन्छ!
    अन्य सारा “देवताहरू” लाई अधीनमा राख्ने उहाँ महान् राजा हुनुहुन्छ।
⁴ गहिरो गुफाहरू र उच्च पहाड-पर्वतहरू परमप्रभुका सम्पत्ति हुन्।
⁵ सागर उहाँकै हो उहाँले यो सृजना गर्नु भएको हो,
    परमेश्वरले आफ्नै हातले सुख्खा जमीनहरू बनाउनु भयो।
⁶ आऊ, निहुँरिएर, उहाँको उपसना गरौं।
    जसले हामीलाई बनाउनु भयो उहाँ परमेश्वरको उपसना गरौं।
⁷ उहाँ हाम्रो परमेश्वर हुनुहुन्छ
    अनि हामी उहाँका सन्तानहरू हौं।
    यदि हामीले उहाँको आवाज सुन्यौं भने,

²¹ “याकूब, यी कुराहरू याद राख।
    इस्राएल, याद राख, तिमी मेरो सेवक हौ।
मैले तिमीलाई बनाएँ! तिमी मेरो सेवक हौ,
    यसकारण इस्राएल, म तिमीलाई कहिल्यै बिर्सिने छैन्।
²² तिम्रो पापहरू ठूलो बादल जस्ता थिए
    तर मैले ती पापहरू पखालिदिएँ।
तिम्रा पापहरू मेटिएर गए,
    जसरी बादल पातलो हावामा हराउँदछ।
मैले तिमीलाई जोगाएँ,
    अनि बचाएँ यसैले तिमी फर्केर मकहाँ आयौ।”

परमप्रभुले यरूशलेमलाई भन्नुहुन्छ, “मानिसहरू फेरि त्यहाँ बस्नेछन्।”
परमप्रभुले यहूदाका शहरहरूलाई भन्नुहुन्छ, “तिमी फेरि पुननिर्माण हुनेछौ।”
    परमप्रभुले ती शहरहरूलाई भन्नु हुन्छ कि तिनीहरू ध्वंश भए,
    “म तिमीलाई नयाँ शहरमा पुनःस्थापित गर्नेछु।”
²⁷ परमप्रभुले गहिरा पानीलाई भन्नुहुन्छ, “सुख्खा भई जाओस्।
    म तिम्रा मूल श्रोतहरू पनि सुकाइदिनेछु।”
²⁸ परमप्रभुले कोरेसलाई भन्नुहुन्छ, “तिमी मेरो भेंडा गोठाला हौ,
    तिमीले त्यही कुरा गर्ने छौ जो म चाहन्छु।
तिमीले यरूशलेमलाई भन्नेछौ, ‘तिमी पुनःनिर्माण हुनेछौ।’
    तिमीले मन्दिरलाई बताउनेछौ, ‘तिम्रो जग पुनःनिर्माण हुनेछ।’”